Kampanija «AjłandHrup», jakoj naležyć sietka «Vostraŭ čyścini i smaku», praviała rebrendynh i adkryvaje novyja kramy pad handlovaj markaj «Vostraŭ», paviedamlaje Belretail.
Novy styl handlovaj sietki vykanany ŭ čorna-žoŭtaj kalarovaj hamie. Centralnym elemientam novaha łahatypa stała ivałha — ptuška, jakaja žyvie ŭ Biełarusi i simvalizuje nadziejnaść i imknieńnie da raźvićcia. U kampanii zajavili, što ivałha — heta nie prosta vobraz, a adlustravańnie fiłasofii brenda: pastajanny ruch napierad, adaptacyja da źmien i imknieńnie da pośpiechu.
Źmianiajecca i farmat kram. Sietka pastupova pierachodzić da kancepcyi ultra-convenience, heta značyć da farmatu nievialikich kram, u jakich zručna ździajśniać štodzionnyja pakupki kala doma, pierakusić na miescy, jak u kaviarni, ale koštam kramy, a taksama znajści tavary dla pryhažości i dohladu siabie.
U asartymiencie kram «Vostraŭ»: bytavaja chimija, pradukty charčavańnia, hihijeničnyja srodki, tavary dla interjeru, kulinarnyja tavary. Pry hetym pašyrajecca najaŭnaść tavaraŭ biełaruskich vytvorcaŭ.
U Biełarusi sietka naličvaje 55 kram, ź jakich vosiem pracujuć u Minsku.
Letaś uładalniki sietki kram «Vostraŭ čyścini» sutyknulisia ź finansavymi ciažkaściami i znachodzilisia ŭ pracedury bankructva. U kastryčniku 2024 hoda kramy pad brendam «Vostraŭ čyścini i smaku» znoŭ adkrylisia paśla taho, jak ich vykupiła kampanija «AjłandHrup». U lipieni ŭ kampanii paviedamlali, što sietka znachodzicca na zaviaršalnym etapie rebrendynhu.
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie6
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary