Čyrvony Kryž vinavacili ŭ dačynieńni da falsifikacyi vybaraŭ. Arhanizacyja abiacała razabracca. Hladzicie, jak razabralisia
XXV źjezd Biełaruskaha Čyrvonaha Kryža adbyŭsia siońnia ŭ Minsku, hienieralnym sakratarom tavarystva abrany Dźmitryj Šaŭcoŭ.
Dźmitryj Šaŭcoŭ źjaŭlajecca staršynioj Biełaruskaj asacyjacyi daktaroŭ.
Jon uznačalvaŭ Minskuju haradskuju vybarčuju kamisiju pa vybarach prezidenta.
Raniej jon byŭ deputatam Pałaty pradstaŭnikoŭ piataha i šostaha sklikańniaŭ.
Voś jak Šaŭcoŭ raniej vykazvaŭsia ŭ efiry telebačańnia:
«Źviartajemsia da darosłaha kantynhientu našaj krainy i da piedahohaŭ. Ściah byŭ bieł-čyrvona-bieły pryznany aficyjna na karotki pramiežak času da taho, kali refierendum i narod skazaŭ: «Nie, prybirajem». Jon byŭ. I ŭ voś hety pramiežak času (z 1995 hoda pa siońnia, pa 2020 hod) my razarvali heta paniaćcie. My dazvalali chadzić niejkaj maleńkaj žmieńcy ludziej, jakija viečna nazyvali siabie BNF, jašče niejkim tam čynam. Tak. Dzieści tam pajšli, źnikli, potym praz hod znoŭ jany na Dzień Voli pračnulisia. My heta dazvalali, my nie tłumačyli ludziam, što heta za ściah. Jaho na praciahu 100 hadoŭ kraina zrynała. U pačatku, u siaredzinie, u kancy stahodździa — pastajanna. Kolki možna vykidvać jaho ad nas? Kraina prosta vyryhała hety ściah u bok, i jon usio roŭna padymaŭsia», — śćviardžaje jon.
Nahadajem, hramadzianskaja supolnaść Biełarusi krytykavała nacyjanalnaje tavarystva Čyrvonaha Kryža ŭ datyčnaści da masavych falsifikacyj na prezidenckich vybarach u žniŭni 2020 hoda. Pavodle niezaležnych naziralnikaŭ, humanitarnaja arhanizacyja, što nie maje prava zajmacca palitykaj, pryciahnuła tysiačy ludziej dla pracy ŭ vybarčych kamisijach. Mižnarodny Čyrvony Kryž admaŭlaje datyčnaść kiraŭnictva biełaruskaha adździaleńnia da falsifikacyj.
«Rola asobnych ludziej na rajonnym abo miascovym uzroŭni da kanca nie zrazumiełaja i kiraŭnictva Biełaruskaha Tavarystva Čyrvonaha Kryža sprabuje razabracca ŭ hetym», — paviedamlali ŭ arhanizacyi raniej.
-
Ukrainka raskazała, jak taksist-biełarus u Hdańsku pahražaŭ vyciahnuć jaje siłaj z mašyny, bo jana admoviłasia razmaŭlać pa-rusku
-
U Vaŭkavyskim rajonie znosiać najstarejšy ŭ Biełarusi cemientny zavod
-
Na kanferencyi ŭ Dublinie Śviatłana Cichanoŭskaja nahadała pra los palitviaźnia Vacłava Areški FOTAFAKT
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach5
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary