Cichanoŭskaja naviedała Paryžskuju opieru. Na joj jość rośpis, dzie žonka imkniecca vyzvalić svajho muža z turmy
Padčas vizitu ŭ Francyju Cichanoŭskaja była zaprošana naviedać budynak Paryžskaj opiery — jaje ŭ 1963-64 hh. raśpisaŭ Mark Šahał. Na rośpisu siužet opiery «Fidel» Bietchoviena, dzie žonka imkniecca vyzvalić svajho muža z turmy, što nahadvaje padziei ŭ Biełarusi. Na tvory možna razhledzieć rodnyja miaściny Šahała — kafiedralny sabor u Viciebsku.
Cichanoŭskaja naviedała i vystavu Chaima Sucina, jaki naradziŭsia ŭ Śmiłavičach: «Niekalki jaho karcin — dziakujučy ludziam jak Viktar Babaryka — praź dziesiacihodździ znajšli šlach u Biełaruś, a «Jeva» stała simvałam našaha pratestu. Historyi Sucina i Šahała — pra toje, jak roznymi sposabami možna vybudoŭvać svoj šlach dadomu».
Razam z pasłom Litvy i namieśnikam pasła Polščy Cichanoŭskaja ŭskłała kvietki da pomnika Adamu Mickieviču. Jana adznačyła, što sapraŭdnyja kaštoŭnaści abjadnoŭvajuć — jak paety i mastaki jadnajuć narody, tak i biełarusy jadnajuć krainy ŭ žadańni padtrymać nas».
Kamientary