Navukoŭcy daznalisia, čamu vialikija biełyja akuły napadajuć na ludziej
Daŭno isnavali mierkavańni, što vialikija biełyja akuły kusajuć ludziej, tamu što błytajuć ich ź inšymi istotami. Ciapier vučonyja znajšli hetamu paćvierdžańnie.
Daśledčyki z Univiersiteta Makuory ŭ aŭstralijskim Sidnei vyśvietlili: maładyja biełyja akuły ŭsprymajuć ludziej, što płavajuć abo zajmajucca siorfinham, jak vielmi padobnych da ciuleniaŭ i marskich ilvoŭ, raspaviadaje CNN.
Kab pryjści da takich vysnoŭ, navukoŭcy vyvučyli i paraŭnali videazapisy z padvodnym płavańniem ciuleniaŭ, marskich ilvoŭ i ludziej, a taksama zapisy z zaniatkami siorfinham. Danyja pra akuł, što ŭžo viadomyja navucy, dazvolili stvaryć prahramy, što simulujuć, jak maładaja biełaja akuła bačyć ruchi i formy roznych abjektaŭ.
Pry hetym važna, što bolšaść akuł nie raspaznajuć kolery. Tamu kolery kupalnika ci doški dla siorfinha nie ŭpłyvaje na toje, jak akuła ŭsprymaje čałavieka.
Vypadki, kali akuły kusajuć ludziej, zdarajucca nie tak časta, ale za apošnija 20 hadoŭ ich kolkaść mocna vyrasła. Vialikich biełych akuł ličać samaj vialikaj drapiežnaj rybaj u śviecie. Pry hetym vidu pahražaje źniščeńnie, bo kolkaść vialikich biełych akuł źnižajecca.
U Bośnii 72-hadovy mužčyna pabudavaŭ dla žonki dom, jaki krucicca, kab u jaje byŭ raznastajny vid z akna
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks6
Kamientary