Pieraraśli «rybny imidž». Kampanija «Santa Bremar» pravodzić rebrendynh
Karparatyŭnym brendam stanovicca BREMOR, a praduktovy zastajecca bieź źmienaŭ — «Santa Bremar». «Rybny imidž», jaki skłaŭsia histaryčna, pierastaŭ adlustroŭvać šyrokuju praduktovuju śpiecyjalizacyju, tłumačać u kampanii.
Adziny karparatyŭny brend BREMOR abjadnaje ŭsio, čym zajmajecca kampanija, — ad vytvorčaści praduktaŭ charčavańnia da ekałahičnych prajektaŭ i sacyjalnych inicyjatyŭ.
Razam z nazvaj abnovicca i vizualny styl. Zamiest elemienta łahatypa — «žančyny z rybaj» — raspracavany novy simvał-sonca.
«Santa Bremar» zastaniecca dla abaznačeńnia «siamiejstva praduktaŭ». Ryba, morapradukty, ikra, krabavyja pałački buduć, jak i raniej, pastupać na palicy kram pad markaj «Santa Bremar» z raniejšym łahatypam na ŭpakoŭcy.
Novy brend BREMOR zaklikany pakazać maštaby šmatpraduktovaj vytvorčaści, jakaja vypuskaje bolš za 1000 vidaŭ praduktaŭ u 13 katehoryjach: ad ryby i ikry da blinoŭ, sałataŭ i marožanaha, paviedamlajecca ŭ pres-relizie kampanii. Hieahrafija pastavak — 45 krain, pradukcyja pradstaŭlena 15 handlovymi markami.
«Za apošnija hady my stali adnym z najbujniejšych u Jeŭropie vytvorcaŭ praduktaŭ charčavańnia i, treba pryznać, «pieraraśli rybny imidž», jaki doŭhija hady nam dapamahaŭ. Zadačy stali bolš surjoznymi, hłabalnyja maštaby. Kab vyrazna pazicyjanavać siabie na mižnarodnym rynku, my i stvaryli karparatyŭny brend, jaki budzie adlustroŭvać uvieś biznes ź jaho dziasiatkami handlovych marak i katehoryj», — tłumačyć sutnaść źmienaŭ dyrektar kampanii BREMOR Siarhiej Niadbajłaŭ.
BREMOR naležyć nabližanamu da ŭłady biznesoŭcu Alaksandru Mašenskamu, jaki ŭvachodzić u rejtynhi samych bahatych ludziej krainy.
Kamientary