Перараслі «рыбны імідж». Кампанія «Санта Брэмар» праводзіць рэбрэндынг
Карпаратыўным брэндам становіцца BREMOR, а прадуктовы застаецца без зменаў — «Санта Брэмар». «Рыбны імідж», які склаўся гістарычна, перастаў адлюстроўваць шырокую прадуктовую спецыялізацыю, тлумачаць у кампаніі.
Адзіны карпаратыўны брэнд BREMOR аб'яднае ўсё, чым займаецца кампанія, — ад вытворчасці прадуктаў харчавання да экалагічных праектаў і сацыяльных ініцыятыў.
Разам з назвай абновіцца і візуальны стыль. Замест элемента лагатыпа — «жанчыны з рыбай» — распрацаваны новы сімвал-сонца.
«Санта Брэмар» застанецца для абазначэння «сямейства прадуктаў». Рыба, морапрадукты, ікра, крабавыя палачкі будуць, як і раней, паступаць на паліцы крам пад маркай «Санта Брэмар» з ранейшым лагатыпам на ўпакоўцы.
Новы брэнд BREMOR закліканы паказаць маштабы шматпрадуктовай вытворчасці, якая выпускае больш за 1000 відаў прадуктаў у 13 катэгорыях: ад рыбы і ікры да бліноў, салатаў і марожанага, паведамляецца ў прэс-рэлізе кампаніі. Геаграфія паставак — 45 краін, прадукцыя прадстаўлена 15 гандлёвымі маркамі.
«За апошнія гады мы сталі адным з найбуйнейшых у Еўропе вытворцаў прадуктаў харчавання і, трэба прызнаць, «перараслі рыбны імідж», які доўгія гады нам дапамагаў. Задачы сталі больш сурʼёзнымі, глабальныя маштабы. Каб выразна пазіцыянаваць сябе на міжнародным рынку, мы і стварылі карпаратыўны брэнд, які будзе адлюстроўваць увесь бізнэс з яго дзясяткамі гандлёвых марак і катэгорый», — тлумачыць сутнасць зменаў дырэктар кампаніі BREMOR Сяргей Нядбайлаў.
BREMOR належыць набліжанаму да ўлады бізнэсоўцу Аляксандру Машэнскаму, які ўваходзіць у рэйтынгі самых багатых людзей краіны.
Машэнскі, Алексін, Пракапеня. Невядомыя факты пра бізнэсменаў з ТОП-10 новага рэйтынга
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
-
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»2
Каментары