Recept na vychadnyja: kuryca ŭ kary za paŭhadziny, pryčym niezvyčajnaja
Hety varyjant kary vielmi prosta i chutka hatujecca. Jaho niemahčyma sapsavać, vy atrymajecie smačnuju i duchmianuju stravu.
Krynica: BBC Food.
Kab zhatavać kurynaje kary, vam spatrebicca:
- trochi cybuli — hałoŭkaj abo zialonaj,
- 3 hałoŭki časnaku,
- 2 čajnyja łyžki aleju,
- 200 hramaŭ tamataŭ va ŭłasnym soku (kali ŭ vas ich niama, možacie zamianić ich na trochi mienšuju kolkaść tamatnaj pasty),
- 2 čajnyja łyžki prypravy kary,
- 1 čajnaja łyžka mołataha imbiru,
- 400 hramaŭ kurynaha miasa biez kostki i biez skury,
- 100 mililitraŭ naturalnaha johurtu nakštałt hrečaskaha dla padačy,
- sol,
- pierac,
- 200 hramaŭ doŭhaziernievaha rysu.
- Tonka narežcie cybulu. Kali robicie ź zialonaj — častku pakińcie dla padačy stravy. Pačyścicie časnok i pasiačycie jaho. Razahrejcie u vialikaj kastruli alej na siarednim ahni i smažcie ŭ joj cybulu i časnok na praciahu niekalkich chvilin. Dadajcie tamaty, parašok kary i mołaty imbir. Tušycie sumieś jašče 3—4 chviliny. Jak vadkaść u kastruli zusim vyparycca, dadajcie krychu vady.
- Pamiaścicie kurynaje miasa ŭ kastrulu z tamatami, pasalicie i tušycie 5 chvilin. Sačycie za tym, kab kuryca była całkam pakrytaja sumieśsiu.
- Dadajcie 250 mililitraŭ vady i daviadzicie da kipieńnia. Varycie na małym ahni 10—15 chvilin ci da hatoŭnaści kurycy.
- Pakul varycca vaša kary, paralelna pryhatujcie rys. Pramyjcie jaho pad chałodnaj vadoj, kab vydalić lišni krachmał. Pamiaścicie rys u kastrulu i dadajcie čystuju vadu — jaje treba amal u dva razy bolš, čym rysu. Daviadzicie rys da kipieńnia, potym zbaŭcie ahoń, nakryjcie rys viečkam i varycie jaho 10 chvilin. Zdymicie kastrulu z ahniu i pakińcie rys nakrytym jašče na 10 chvilin, za hety čas jon kančatkova pryhatujecca.
- Zdymicie kary z ahniu i dadajcie da jaho johurt.
Smačna jeści!
Čytajcie taksama:
Recept na vychadnyja. Pasta bolognese. Makarona z kłasičnym bałonskim sousam
Recept na vychadnyja: biezdakorny vienhierski sup-hulaš, jaki niemahčyma sapsavać
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach10
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1818
Kamientary