Minčuk Juryj moža pazbavicca svajho Peugeot 406, jaki jon kupiŭ u 2018 hodzie, paviedamlaje av.by. Jak akazałasia, pravaparušeńnie ździejśniŭ navat nie papiaredni ŭładalnik, a pryjaciel pazaminułaha haspadara mašyny. Voś tolki adkazvać prychodzicca ciapierašniamu haspadaru.
U pieršy raz Juryju patelefanavali z adździeła prymusovaha vykanańnia praz paŭhoda paśla kupli. I skazali, što mašyna pad aryštam, jaje zabiaruć na karyść dziaržavy. Jon nie pavieryŭ, paprasiŭ dasłać pozvu, ale paśla hetaha bolš jaho nichto nie turbavaŭ.
Toje, što heta nie rozyhryš, stała zrazumieła ŭ krasaviku minułaha hoda, kali aŭtamabilista vyklikali ŭ ABEZ Frunzienskaha RUUS. Tam jamu i skazali, što na jaho aŭto ŭ 2016 hodzie dvojčy traplaŭsia pjanym niejki Dźmitryj Ch., na jakoha za heta zaviali kryminalnuju spravu i sud pastanaviŭ kanfiskavać aŭto.
Darečy, sam parušalnik nie byŭ haspadarom mašyny. Pakatacca jaje jon braŭ u siabra, Siarhieja, jaki pamior piać hadoŭ tamu. U spadčynu ŭstupiła jaho maci, jakaja pamierła praź niekatory čas paśla prodažu aŭto Juryju.
I voś, na pačatku hetaha hoda mužčynu znoŭ patelefanavali z APV, skazaŭšy, što mašynu jamu pradavać nielha, jak zabaroniena i vyjazdžać za miažu. Na pytańnie, čamu spravu nie daviali da kanca ŭ 2018 hodzie, sudovy vykanaŭca adkazaŭ, što vinavaty źmianiŭ numar telefona i jaho nielha było znajści. Heta pry tym, što Juryj jeździŭ na mašynie pastajanna i navat traplaŭ na kamiery fiksacyi chutkaści.
U hetaj historyi jość šmat pytańniaŭ. Naprykład, čamu mašynu nie kanfiskavali ŭ 2016 hodzie, adrazu paśla vierdyktu suda? I jak naohuł jaje zabrali sa štrafstajanki, a potym jašče i pradali? Vychodzić, mašynu nie zanieśli ŭ bazu kanfiskavanych? Ale chto vinavaty ŭ hetaj niadbajnaści?
Ciapier Juryj čakaje vyrašeńnia svajho pytańnia. I nie fakt, što mašynu pakinuć jamu, kamientuje advakat Dźmitryj Dziatčyk. A jašče aŭtaŭładalnik razvažaje, maŭlaŭ, dobra, što jaho mašyna 1999 hoda i kaštuje kala dźviuch tysiač dalaraŭ. Ale jak budzie ŭlipnuć u takuju historyju tamu, chto patracić na jaje 10 abo 30 tysiač?
Darečy, kali ŭ Juryja kanfiskujuć mašynu, jon moža źviarnucca ŭ sud, kab spahnać hrošy, patračanyja na kuplu Peugeot. Voś tolki z kaho ich spahaniać, kali ŭsie pamierli? Moža być, kaža advakat, taki «siurpryz» zvalicca na hałavu spadčyńnikam.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary