SZAT «Biełdžy» prypyniła pastaŭki ŭ Rasiju krosaŭjeraŭ Belgee X50. Jak piša TASS sa spasyłkaj na pres-słužbu biełaruskaha vytvorcy, kampanija, mahčyma, naohuł spynić jaho vytvorčaść i zasiarodzicca na vypusku abnoŭlenaj viersii.
Na hety momant prodažy madeli Belgee X50 u Rasii sapraŭdy prypynieny. «Niadaŭna my zapuścili navinku Belgee X50+ i zaraz robim akcent na hetym krasoviery», — prakamientavali na pradpryjemstvie.
U krasaviku ŭ biełaruskich aŭtacentrach pačalisia prodažy abnoŭlenaha krasoviera Belgee X50+. Jaho hałoŭnyja adroźnieńni ad bazavaj madeli — 1,5‑litrovy čatyrochcylindravy ruchavik mahutnaściu 174 k. s. i siamistupienčataja AKPP, piša Office Life.
U kampanii adznačajuć, što dziakujučy vykarystańniu vysokaŭstojlivaj stali (da 66% u kanstrukcyi kuzava) taksama była ŭzmocniena pasiŭnaja biaśpieka. Košt navinki (prynamsi ŭ Biełarusi) zastaŭsia na ŭzroŭni X50.
U Rasii Belgee X50 byŭ adnoj z samych papularnych madelaŭ. Naprykład, na pačatku hoda biełaruski krasovier staŭ samym pradavanym aŭtamabilem u Maskvie. Za studzień i luty jaho prodažy ŭ stalicy Rasii vyraśli na 23% u paraŭnańni ź minułym hodam i skłali 1226 aŭtamabilaŭ.
Kamientary
Adna reč jeździć cieraz darohu pa chleb, inšaja reč pierci da akijanu abo pry chacie ciohać hnoj dy ŭradžaj.
Siońnia samachod nie pieradajecca ŭ spadčynu, jak kaliści saviecki žyhul abo ZAZ. Žyćcio mianiajecca chutka.