Fryłansiera «Svabody» buduć sudzić za «stvareńnie ekstremisckaha farmavańnia abo ŭdzieł u im»
Stała viadoma, što Andreja Kuźniečyka abvinavačvajuć pa č. 1 art. 361-1 KK (ctvareńnie ekstremisckaha farmavańnia abo ŭdzieł u im). Jaho spravu pačnuć razhladać 8 červienia ŭ zakrytym režymie.
Sudovy praces budzie vieści sudździa Mahiloŭskaha abłasnoha suda Ihar Šviedaŭ.
Nahadajem, Andreja zatrymali 25 listapada 2021 hoda. U jaho kvatery adbyŭsia pieratrus. Paśla zatrymańnia fryłansiera siłaviki nienadoŭha zdoleli zachapić kantrol nad telehram-kanałam «Radyjo Svaboda». 23 śniežnia svajakam Andreja paviedamili, što na jaho zaviali kryminalnuju spravu, ale infarmacyi pra toje, pa jakim artykule jana była raspačataja, nie paviedamlałasia. Da hetaha času svajakam nie raskryvajuć sutnaść abvinavačvańniaŭ.
Pa rašeńni MUS «Radyjo Svaboda» było pryznanaje «ekstremisckim farmavańniem» praź miesiac paśla zatrymańnia Andreja — 23 śniežnia.
Padtrymajcie Andreja: Turma №4, 212011, Mahiloŭ, Krupskaj, 99A, Andrej Alaksiejevič Kuźniečyk.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary