Cichanoŭski łajknuŭ kamient «U Volnaj Biełarusi Cichanoŭskaja budzie siadzieć za svaje złačynstvy»
Telehram-kanał HUBAZiKa nie chavaje radaści, nazirajučy heta.
Vieranika Capkała, žonka eks-pretendenta na pasadu prezidenta Biełarusi Valeryja Capkały, salidaryzavałasia ź Siarhiejem Cichanoŭskim. Jana apublikavała ŭ fejsbuku dopis padtrymki, u jakim vykazała ŭpeŭnienaść, što «jon vytrymaje chvalu ckavańnia i dyskredytacyi». U tym ža tekście Vieranika Capkała vykazała pretenzii Śviatłanie Cichanoŭskaj i jaje Ofisu.
Vieraniku załajkali mnohija palityčnyja dziejačy — Valer Kavaleŭski, Anton Radniankoŭ, Jaŭhien Dudkin, Volha Karač, Siarhiej Sparyš. A taksama abodva akaŭnty jaje muža Valeryja.
Taksama pad dopisam sabrałasia niekalki sotniaŭ kamientaroŭ — i ad tych, chto padtrymaŭ Capkału, i ad jaje apanientaŭ.
Adzin z samych załajkanych kamientaŭ — pazicyja byłoha palitviaźnia Alaksandra Tarasienki. «O, siamiejka Capkałaŭ pačuła kroŭ i narešcie rasčuchałasia! Atu jaje, hetuju Cichanoŭskuju. Kali ŭžo rodny muž jaje nie škaduje, to čaho nam cyrymonicca!? Adpomścim za ŭsie kryŭdački. Chutčej, chutčej, a to nie paśpiejem…» — napisaŭ były ijeramanach, jaki trapiŭ u kałoniju za «abrazu» Łukašenki. Jaho padtrymali 79 čałaviek.
Rezanans vyklikaŭ i inšy kamientar. Palityčny ŭciakač Andrej Kvaševič pracytavaŭ słovy Zianona Paźniaka.
«Sapraŭdny Nacyjanalny lidar Zianon Paźniak skazaŭ dakładna: «U Volnaj Biełarusi budzie śledstva i Cichanoŭskaja budzie siadzieć za svaje złačynstvy». Kropka. P.S. Razam sa svajoj «kamandaj», — napisaŭ jon.
Admietna, što heta mierkavańnie — pra toje, što Śviatłana Cichanoŭskaja budzie siadzieć za svaje «złačynstvy» — padtrymaŭ i Siarhiej Cichanoŭski.
Reakcyja byłoha palitviaźnia ŭzradavała biełaruskich siłavikoŭ i prapahandystaŭ.
«Siaroha pastaviŭ łajk pad dopisam, što jaho žonka budzie siadzieć. Niazručna atrymałasia», — iranizuje telehram-kanał HUBAZiKa.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary