IKEA pryniała rašeńnie pra dalejšy los svajho biznesu ŭ Biełarusi i Rasii. Paśla napadu Rasii na Ukrainu kampanija abviaściła pra prypynieńnie apieracyj u abiedźviuch krainach.
«Na žal, abstaviny nie palepšylisia, i razburalnaja vajna praciahvajecca. Pradpryjemstvy i łancužki pastavak pa ŭsim śviecie mocna paciarpieli, i my nie bačym mahčymaści adnavić pracu ŭ najbližejšy čas», — havorycca ŭ novaj zajavie kampanii.
Na hety momant roźničny biznes IKEA ŭ Rasii zastaniecca prypynienym. Kampanija budzie skaračać pracoŭnuju siłu. Kab zabiaśpiečyć vypłaty, budzie pravodzicca rasprodaž tavaraŭ sa składoŭ u RF.
Inter IKEA pradaść čatyry svaje zavody ŭ RF, skaraciŭšy pracoŭnuju siłu.
Pastaŭki tavaraŭ IKEA ŭ Rasiju i Biełaruś, a taksama zakupki ŭ hetych krainach zastajucca pad zabaronaj.
«Dva ofisy Inter (zakupak i łahistyki) ŭ Maskvie i Minsku buduć začynienyja nazaŭždy», — paviedamili ŭ kampanii.
Nahadajem, raniej paviedamlałasia, što pradpryjemstvy ŭ Biełarusi, jakija zajmalisia vytvorčaściu tavaraŭ dla šviedskaj hrupy, byli adpraŭlenyja ŭ prastoj.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary