Doktar: Kali adnahadovaje dzicia hladzić mulciki na telefonie, to da škoły ŭ jaho razaŭjecca blizarukaść
Kali adnahadovaje dzicia kormiać kašaj i pakazvajuć mulcik u telefonie, to da škoły ŭ jaho budzie blizarukaść. Takoje mierkavańnie na pres-kanfierencyi vykazała hałoŭny pazaštatny aftalmołah Ministerstva achovy zdaroŭja, zahadčyca kafiedry aftalmałohii BiełMAPA Taćciana Imšanieckaja, piša BiełTA.
«Chočacca pieraścierahčy ŭsich baćkoŭ: nie davajcie hadžety dzieciam daškolnaha ŭzrostu. Tamu što anatomija voka nie vytryvaje takoha hvałtu nad saboj. Kali adnahadovaje dzicia kormiać kašaj i pierad im mulcik u telefonie, to da škoły heta budzie ŭžo blizarukaść», — skazała Taćciana Imšanieckaja.
Zahadčyk adździaleńnia łaziernaj mikrachirurhii voka 10-j haradskoj kliničnaj balnicy Minska Ihar Zabaroŭski ŭ svaju čarhu adznačyŭ, što voka čałavieka pieršapačatkova ŭładkavanaje takim čynam, kab bačyć udalačyń. «Ź dziciačaha ŭzrostu hladzielnaja nahruzka pablizu ŭzrastaje z kožnym hodam. Adpaviedna, adaptoŭvajučysia pad hetuju nahruzku, voka prachodzić mikraevalucyju — jano stanovicca blizarukim. Na siońniašni momant da 18 hadoŭ u našym rehijonie nie mienš za 50% maładych ludziej majuć zrovakyja adchileńni, bolšaj častkaj źviazanyja ź blizkaj nahruzkaj. I hetaja ličba kožny hod uzrastaje. Dla paraŭnańnia: u Azijackim rehijonie hety pakazčyk składaje ŭžo 90%. Takim čynam, pracy tut chopić usim, jak dziciačym śpiecyjalistam, tak i darosłym, kali hetyja pacyjenty pierachodziać 18-hadovy rubiež», — kanstatavaŭ jon.
Aftalmołah dadaŭ, što univiersalnaj rekamiendacyjaj u hetym vypadku źjaŭlajecca zachavańnie režymu hladzielnych nahruzak. «Dziaciej pierš za ŭsio treba kantralavać, treba bačyć, čym jany zajmajucca, kolki i kali. Tamu što vialikuju častku času cełaja katehoryja junych hramadzian pravodzić mienavita anłajn. I heta navat nie manitory, heta telefony, heta značyć, pamier ekrana ŭsio pamianšajecca, a kolkaść infarmacyi praz hety nievialiki ekran pavyšajecca. Heta nie moža nie adbivacca na zroku», — skazaŭ na zakančeńnie doktar.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali5
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra27
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary