Volha Karač raspačała kryžovy pachod — na «Našu Nivu» i Antona Matolku
Palityk Volha Karač napisała zajavy ŭ palicyju na błohiera, «Našu Nivu» i navat na svajho byłoha paplečnika.
Adna z zajaŭ — na «Našu Nivu». Nahodaj stała publikacyja aŭdyjazapisaŭ razmoŭ byłoha siłavika Ihara Makara i eks-amapaŭca Paŭła Kułažanki, jakija sam Makar vyrašyŭ pieradać dla publikacyi. U tym zapisie abmiarkoŭvaŭsia płan šantažu suzasnavalnika fondu «Bajsoł» Andreja Stryžaka. Makar ličyć, što da hetaha płana maje dačynieńnie i Volha Karač. Sama jana tady kamientavać aŭdyjazapisy «Našaj Nivie» nie stała.
Na Makara, darečy, Karač taksama napisała zajavu za toj źliŭ, choć raniej jany byli paplečnikami. Palityk paličyła, što hetaja infarmacyja — paklop na jaje.
(Paźniej Ihar Makar zamoviŭ fanaskapičnuju ekśpiertyzu. Kali vieryć zaklučeńniu, jana paćviardžaje prynaležnaść hałasoŭ na aŭdyjo Makaru i Kułažanku, a taksama vyklučaje admysłovy mantaž, jaki moh by skazić sens skazanaha. Vyniki vykładzienyja ŭ adkryty dostup).
Taksama Karač padała zajavu ŭ litoŭskuju palicyju na błohiera Antona Matolku. Za što, nieviadoma. Ale historyja kanfliktu ŭ ich daŭniaja — błohier iranična reahavaŭ u sacsietkach na abvinavačvańni Karač u tym, što jon «ahient». I źviartaŭ uvahu na toje, što Karač časta chejcić inicyjatyvy demsił, unosiačy raskoł.
Jak Karač raskazała ŭ siabie na kanale, palicyja spačatku nie chacieła prymać hetyja zajavy, ale nastajała prakuratura.
Čytajcie taksama:
Stała viadoma, jakija vybary źbirajecca pravodzić Nacsaviet z Capkała i Karač
U Nacyjanalny saviet Capkała i Karač uvajšli 17 čałaviek. Chto hetyja ludzi?
Ciapier čytajuć
«Biełaruś, što ź internetam? Pracuje praz raz!»: karystalniki A1 skardziacca na prablemy, kampanija prablemu pryznaje1
Kamientary