U lipieni biełarusy i ŭkraincy zapłacili padatkaŭ u Litvie amal na 10 młn jeŭra
U Litvie pracujuć 7500 biełarusaŭ, jakija pryjechali paśla pačatku vajny va Ukrainie, paviedamlaje delfi.lt sa spasyłkaj na miascovuju Słužbu zaniataści.
88% mihrantaŭ — mužčyny, ich siaredni ŭzrost 37 hadoŭ, siaredni zarobak — 1786 jeŭra biez vyliku padatkaŭ. Bolšaść pracuje ŭ Vilni (4200) i Koŭnie (600), taksama biełarusy pierajechali ŭ Šaŭlaj, Kłajpiedu i inšyja harady Litvy.
Vysokakvalifikavanuju pracu vykonvajuć amal 2000 čałaviek (26,6%), ź ich 1700, abo 87,1%, — u halinie IT abo suviazi.
Na rabotach, jakaja patrabuje siaredniaj kvalifikacyi, zaniata 5500 biełarusaŭ (73%), nizkakvalifikavanuju abo niekvalifikavanuju pracu (prybiralščyki, pamočniki na kuchni, fasoŭščyki) vykonvajuć usiaho 86 čałaviek (1%).
Adznačajecca, što rabotniki ź Biełarusi i Ukrainy (15 800) spłacili ŭ lipieni amal 10 młn jeŭra padatkaŭ.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary