«Vynik naŭmysnaha dziejańnia». Barel nazvaŭ incydenty na «Paŭnočnych patokach» nievypadkovymi
U Jeŭrasajuzie vykazvajuć zaniepakojenaść incydentami na «Paŭnočnych patokach». Jany nie zjaŭlajucca vypadkovymi. Pra heta havorycca ŭ zajavie Viarchoŭnaha pradstaŭnika ES pa źniešnich spravach i palitycy biaśpieki Žazepa Barela, piša reform.by.
«Jeŭrapiejski sajuz hłyboka zaniepakojeny paškodžańniem trubapravodaŭ «Paŭnočny patok-1» i «Paŭnočny patok-2», jakoje pryviało da ŭciečak u mižnarodnych vodach Bałtyjskaha mora. Pytańni biaśpieki i achovy navakolnaha asiarodździa majuć pieršaradnaje značeńnie. Hetyja incydenty nie vypadkovyja i zakranajuć usich nas», — adznačyŭ Barel.
Jon ukazaŭ na toje, što ŭciečki źjaŭlajucca vynikam naŭmysnych dziejańniaŭ. ES padtrymaje luboje rasśledavańnie incydentaŭ.
«Usia dastupnaja infarmacyja ŭkazvaje na toje, što hetyja ŭciečki źjaŭlajucca vynikam naŭmysnaha dziejańnia. My padtrymajem luboje rasśledavańnie, nakiravanaje na atrymańnie poŭnaj jasnaści ab tym, što adbyłosia i čamu, i zrobim dalejšyja kroki dla pavyšeńnia našaj ustojlivaści ŭ halinie enierhietyčnaj biaśpieki. Luboje naŭmysnaje parušeńnie jeŭrapiejskaj enierhietyčnaj infrastruktury całkam nieprymalnaje i budzie sustretaje rašučym i adzinym adkazam», — padkreśliŭ Barel.
Danija i Šviecyja zajavili pra najaŭnaść uciečak z hazapravodaŭ «Paŭnočny patok» i «Paŭnočny patok-2». Pa źviestkach Šviedskaj marskoj administracyi, hazapravody paškodžanyja ŭ troch miescach. Šviedskija siejsmołahi zafiksavali dva vybuchi ŭ rajonie hazapravodaŭ.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju12
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary