Pieršaja biełaruskaja anłajn-škoła va Ukrainie zaprašaje na dadatkovyja ŭroki pa biełaruskaj prahramie
Z kastryčnika ŭ Pieršaj biełaruskaj anłajn-škole va Ukrainie pa subotach raspačnucca dadatkovyja ŭroki pa biełaruskaj školnaj prahramie. Uroki raźličanyja na tych, chto vučycca ŭ inšych škołach, ale nie choča hublać svaju movu i svaju historyju. Dałučycca možna ź luboj kropki śvietu.
Na dadatkovych urokach buduć vyvučać biełaruskuju movu i litaraturu, historyju Biełarusi, kulturu i mastactva Biełarusi, ruskuju movu i litaraturu. Taksama buduć pravodzicca ŭroki Dabryni z Malavanyčam (z akcioram Alaksandram Ždanovičam).
Papiaredni zapis možna ździejśnić pa kantaktach tut albo naŭprost @Anastasiyanaka.
Pieršaja anłajn-škoła va Ukrainie pracuje z kastryčnika 2020 hoda. Ideja jaje stvareńnia ŭźnikła ŭ aktorki i śpiavački Anastasii Špakoŭskaj, jakaja ŭ kancy žniŭnia 2020 hoda była vymušanaja ź dziećmi źjechać ź Biełarusi.
Škoła ŭžo pracuje dva hady i vydała 13 atestataŭ dziaržaŭnaha ŭzoru Ukrainy.
Ciapier čytajuć
Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki1
Kamientary