U Minsku ŭpieršyniu ekspanujucca ilustracyi Marka Šahała da «Miortvych duš»
U Nacyjanalnym mastackim muziei Respubliki Biełaruś upieršyniu ekspanujucca ilustracyi Marka Šahała da paemy Mikałaja Hohala «Miortvyja dušy» sa zboru Muzieja Marka Šahała ŭ Viciebsku, pišuć vitbichi.by.
Dla vystavy ŭ stalicy, pryśviečanaj 135-hodździu z dnia naradžeńnia Šahała, muziej Viciebska, rodnaha horada mastaka, prapanavaŭ 40 afortaŭ.
Poŭny cykł «Miortvych duš» składajecca z 96 arkušaŭ. Na postsavieckaj prastory jon majecca tolki ŭ troch muziejach — rasijskich Traćciakoŭskaj halerei, Ermitažy i ŭ Biełarusi — u Muziei Marka Šahała ŭ Viciebsku, jaki atrymaŭ hrafiku ŭ dar ad spadčyńnikaŭ u 1999 hodzie.
Apošni raz aforty z cykłu «Miortvyja dušy», pryčym u poŭnym abjomie, pakidali fondy viciebskaha muzieja i miežy krainy šeść hadoŭ tamu. Šahałaŭskaja hrafika 1923-1925 hadoŭ, jak raskazała dyrektarka Muzieja Marka Šahała Iryna Voranava, tady ekspanavałasia ŭ Daŭhaŭpiłskim Art-centry imia Marka Rotka (Łatvija).
Vialiki vystavačny prajekt abjadnaŭ rarytety sa zboru Biełhazprambanka, fondu Nacyjanalnaha histaryčnaha muzieja Respubliki Biełaruś.
U pryvatnaści, ekspanujecca aryhinalnaja litahrafija Marka Šahała «Pryčał de ła Turnel» (1963 hod) — ilustracyja da ese Žerara Baujera «Płošča Hreŭ» u kalekcyjnym vydańni «Pohlady na Paryž» členaŭ Hankuraŭskaj akademii. Hetaja praca niekalki hadoŭ tamu pastupiła ŭ fond histaryčnaha muzieja ŭ ramkach prahramy pa viartańni kulturnych kaštoŭnaściaŭ u Biełaruś.
Vystava aryhinałaŭ Marka Šahała budzie pracavać u Minsku da 11 śniežnia.
-
Ksiondz kaścioła ŭ Župranach hruntoŭna adkazaŭ na pretenzii pra ramont u chramie, dzie pachavany Bahuševič
-
Uładzimir Niaklajeŭ z nahody svajho 80‑hodździa napisaŭ sabie niekrałoh — žartaŭlivy i fiłasofski
-
U Minsku znosiać mižvajennuju balnicu pracy francuzskaha architektara. Źniščyć pomnik dapamahali dva miascovyja akademiki
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała8
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2626
Kamientary