Ručniki — biełyja, pajasy — čyrvonyja. U Hrodnie adkryli vystavu tradycyjnaha narodnaha tekstylu
Na vystavie ŭ hrodzienskim Muziei historyi Haradnicy pradstaŭlenyja ručniki, dyvany, abrusy i pajasy ad kanca XIX stahodździa da 80-ch hadoŭ XX-ha, a taksama i niekatoryja pryłady dla apracoŭki lonu, piša Hrodna.life.
Romby, zorački i dreva žyćcia
Ličycca, što dekor i dakładnaść reljefnaj struktury biełych ručnikoŭ z Hrodna vyłučajucca siarod inšych padobnych vyrabaŭ. Zvyčajna ŭnizie takija ručniki ŭpryhožvali vyšyŭkaj — kryžykam abo roŭniadździu. Papularnaściu karystalisia ŭzory z raślinami i kvietkami.
Pierabornyja ručniki tkali ź viertykalnaj kampazicyjaj malunka. Samy raspaŭsiudžany ŭzor na ich — «dreva žyćcia».
Časta možna sustreć taksama ŭzory z rombikaŭ, kvietak i zoračak. Kožny ź ich mieŭ svajo značeńnie. Na viasielnym ručniku majstrychi Aleny Šapiel z Hrodzienskaj vobłaści vyšytyja zorački — simvał dziciaci. Heta značyć, što maładoj siamji zyčyli dziaciej.
Pałasaciki — heta nie kity, a «dyvany» Paniamońnia
Ciapier słova «pałasaciki» čaściej kažuć, raspaviadajučy pra ryb siamiejstva kitovych. Raniej na Hrodzienščynie tak nazyvali tkanyja dyvany pościłki z roznakalarovymi abo manachromnymi pałoskami. Napeŭna, vy bačyli takija pakryvały na łožkach u babul i dziadul u vioscy. Kali nie — pahladzicie na pałasaciki ŭ ekspazicyi vystavy.
Tut pradstaŭleny samatkany dyvan ź vioski Počujki Vaŭkavyskaha rajona. Pobač pradstaŭleny dyvan u zialonych i biełych kolerach viadomaj majstrychi z Adelska Hrodzienskaha rajona Jadvihi Rajskaj, vytkany ŭ 1989 hodzie.
Paniamońnie słaviłasia i svaimi tkanymi pajasami. Ich, u adroźnieńnie ad ručnikoŭ, tradycyjna rabili čyrvonymi. Na vystavie možna ŭbačyć pajasy pačatku XX stahodździa z Navahrudskaha rajona.
Naviedać vystavu «Tradycyjny narodny tekstyl Hrodzienščyny» možna štodnia, z 10 da 18, pa adrasie vuł. Ažeški 37. Košt kvitka 2 rubli, z ekskursijaj — 8 rubloŭ.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary