Parafijanam Čyrvonaha kaścioła vydzielać časovaje pamiaškańnie dla nabaženstvaŭ
Rašeńnie ab vydzialeńni parafijanam Čyrvonaha kaścioła časovaha pamiaškańnia dla malitvaŭ i zachoŭvańnia invientara pryniaŭ Minharvykankam, paviedamiŭ telekanał ANT.
«Ciapier my čakajem prapanovy ad Katalickaj carkvy ab tym pamiaškańni, u jakim jany majuć patrebu dla zachoŭvańnia. Taksama była vykazana prapanova padabrać pamiaškańnie dla mahčymaści praviadzieńnia sustreč i malitvaŭ mienavita hetaj parafii. My takija pamiaškańni padbiarom, prapanujem», — zajaviŭ namieśnik staršyni Minharvykankama Arciom Curan.
Sa słoŭ Curana, ciapier idzie papiaredniaja acenka paškodžańniaŭ kaścioła.
Nahadajem, nočču 26 vieraśnia ŭ kaściole adbyŭsia pažar. U toj ža dzień Administracyja Maskoŭskaha rajona pryniała rašeńnie časova zabaranić ekspłuatacyju budynka. Kaścioł adklučyli ad usich kamunikacyj. Minharvykankam zajaviŭ, što ŭładalnik budynka, KUP «Minskaja spadčyna», nie moža vykonvać abaviazacielstvy pa damovie i zapatrabavaŭ ad relihijnaj abščyny vyzvalić budynak ad ruchomaj majomaści dla praviadzieńnia ramontna-adnaŭlenčych rabot.
Čytajcie taksama:
Ułady: Čyrvony kaścioł zastaniecca kaściołam, ale ciapier treba «kanstruktyŭna spracavacca»
Biskup Kasabucki ksiandzu Zavalniuku: Na zdymkach padajecca, što vy adzin. Ale vy nie adzin
Viernikam na čale z ksiandzom Uładzisłavam Zavalniukom siłaviki zaminali malicca na prystupkach začynienaha Čyrvonaha kaścioła
-
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi
-
«Mnie kazali: ty z hłuzdu źjechaŭ, jaki pašpart, tut Kijeŭ mohuć uziać!» Biełarus raskazaŭ, jak zhubiŭ va Ukrainie dakumienty i try hady nie moh ź jaje vyjechać
-
U Dobrušy čałaviek dabiŭsia kampiensacyi ad haspadara aŭčarki, pa vinie jakoj jon straciŭ voka
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary