Na minułym tydni ŭ Biełaruś upieršyniu za doŭhi čas prylacieŭ biznesoviec Alaksandr Cencier, jaki ciapier vučycca ŭ amierykanskim Harvardzie. Jak stała viadoma «Našaj Nivie», pa viartańni jaho zatrymali. Praŭda, nienadoŭha. Prynamsi, na nastupnyja sutki jon užo byŭ na voli.
Ad supracoŭnikaŭ hrupy kampanij «A-100» «Našaj Nivie» stała viadoma, što Alaksandr Cencier «źnik» adrazu paśla svajho viartańnia sa Štataŭ. Sam biznesmien pra heta nie raspaŭsiudžvajecca. Ciapier jon u Biełarusi i na voli.
Pry sprobie karespandenta zadać adpaviednaje pytańnie, Cencier kinuŭ słuchaŭku sa słovami «biez kamientaroŭ».
Hod tamu Alaksandr Cencier pastupiŭ u Harvardski ŭniviersitet — adzin z najlepšych u śviecie. Biznesmienu 56 hadoŭ.
Asnoŭnyja aktyvy: sietka zapravak «A-100» i budaŭničaja kampanija «A-100 Devełapmient».
Sietka AZS «A-100» stała pierašaprachodcam biełaruskaha rynku ŭ spravie nabyćcia pazityŭnaha imidžu praz vykarystańnie biełaruskaj movy.
Znakamityja prajekty zabudovy budaŭničaj firmy «A-100 Devełapmient» — «Novaja Baravaja», «Pirs», «Depo».
Čytajcie taksama: Pahrom u sietcy «Susiedzi»: KDK zatrymaŭ amal usio kiraŭnictva
Čytajcie taksama: Mašenski, Aleksin, Prakapienia. Nieviadomyja fakty pra biznesmienaŭ z TOP-10 novaha rejtynhu
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary