Dvuch chłopcaŭ asudzili za padpał aŭtamabila staršyni Dziaržaŭnaha kamiteta sudovych ekśpiertyz
U sudzie Centralnaha rajona Minska ŭ zakrytym režymie razhledzieli kryminalnuju spravu za padpał aŭtamabila Alaksieja Vołkava, što adbyŭsia ŭ kastryčniku minułaha hoda. Vinavatymi pryznali dvuch chłopcaŭ — 19-hadovaha Zachara Tarazieviča i 23-hadovaha Antona Łysova, paviedamlaje «Viasna».
Infarmacyja pra padpał mašyny staršyni DKSE Toyota Land Cruiser Alaksieja Vołkava źjaviłasia ŭ ŚMI 1 kastryčnika 2021 hoda. Heta adbyłosia ŭ Minsku na vulicy Łaparovickaj. Praz dva tydni infarmacyju paćvierdzili ŭ samim Kamitecie.
Pra abvinavačanych chłopcaŭ viadoma niašmat. Anton Łysoŭ — 23-hadovy hramadzianin Rasii, žychar Čebaksaraŭ, pryjechaŭ u Minsk, ale nieŭzabavie byŭ zatrymany. U Antona sa svajakoŭ zastałasia adna babula, jakoj bolš za 80 hadoŭ. Zachar Tarazievič — 19-hadovy žychar Minskaj vobłaści (na momant zatrymańnia jamu tolki spoŭniłasia 18). Chłopiec jość u śpisach abituryjentaŭ, dapuščanych da ekzamienaŭ u Licej MUS.
Viadoma, što spravu spačatku zaviali pavodle abvinavačvańnia ŭ «teraryźmie», adnak ich dziejańni potym pierakvalifikavali.
U vyniku ich abvinavacili pa č. 1 art. 14 i č. 3 art. 218 (zamach na naŭmysnaje źniščeńnie čužoj majomaści, učynieny ahulnaniebiaśpiečnym sposabam, arhanizavanaj hrupaj, jaki paciahnuŭ pryčynieńnie škody ŭ asabliva bujnym pamiery) i č. 3 art. 218 (naŭmysnaje źniščeńnie i paškodžańnie čužoj majomaści, ździejśnienyja ahulnaniebiaśpiečnym sposabam, arhanizavanaj hrupaj, jakija paciahnuli pryčynieńnie škody ŭ asabliva bujnym pamiery) Kryminalnaha kodeksa.
Z abvinavačanych u dachod dziaržavy spahnanyja vialikija sumy: z Łysova — 1 855 rubloŭ 70 kapiejek, z Tarazieviča — 239 rubloŭ 10 kapiejek. Taksama ŭ ich kanfiskavali mabilnyja telefony ŭ paradku śpiecyjalnaj kanfiskacyi.
Padtrymać chłopcaŭ možna listami i pasyłkami, hrašovymi pieravodami: SIZA-1, Vaładarskaha 2, 220030, Minsk, Zachar Alehavič Tarazievič, Anton Siarhiejevič Łysoŭ.
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski7
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary