EPAM płanuje pracu ŭ Biełarusi, ale ličyć «lubuju eskałacyju» pahrozaj
EPAM płanuje praciahvać pracu ŭ Biełarusi. Pry hetym udakładniaje, što lubaja ekskałacyja vajennaha kanfliktu z udziełam Biełarusi pahražaje biznesu kampanii ŭ krainie. Pra heta havorycca ŭ spravazdačy kampanii dla Kamisii pa kaštoŭnych papierach i biržach ZŠA, piša Dev.by.
EPAM čarhovy raz zajaviŭ, što raźličvaje praciahnuć pracu ŭ Biełarusi i zabiaśpiečyć bieśpierapynnaść pracy biznesu ŭ krainie. Ale pry hetym vysoka aceńvaje ryzyki ŭ suviazi z vajnoj va Ukrainie. «Lubaja eskałacyja kanfliktu z udziełam Biełarusi moža pastavić pad pahrozu naš piersanał, abjekty i apieracyi ŭ krainie», — adznačajecca ŭ spravazdačy.
EPAM udakładniaje, što «značnaja častka» supracoŭnikaŭ ź Biełarusi i Rasii ŭžo pierajechała ŭ inšyja krainy. Kampanija maje namier praciahnuć rełakacyju śpiecyjalistaŭ i dapamahać im ź pierajezdam.
Siarod najpapularniejšych łakacyj dla pierajezdu supracoŭnikaŭ ź Biełarusi — Litva i Polšča. U litoŭskim ofisie pracuje kala 1,5 tysiačy supracoŭnikaŭ, u polskich ofisach bolš za 5 tysiač supracoŭnikaŭ. Ciapier na sajcie kampanii dla pracy ŭ Litvie adkryta 138 vakansij, dla pracy ŭ Polščy — 180 vakansij.
Taksama EPAM raskazaŭ pra ryzyki dla kampanii i pracaŭnikoŭ va Ukrainie. U pryvatnaści, kampanija vysoka aceńvaje ryzyki paškodžańnia abo źniščeńnia arandavanych ofisaŭ u roznych haradach praz vajnu.
Asnoŭnaja dola aktyvaŭ EPAM znachodzicca jakraz va Ukrainie, ich košt pieravyšaje 71 miljon dalaraŭ. Najdaražejšy aktyŭ — niedabudavany biznes-centr u Kijevie, jaki aceńvajecca ŭ 51 miljon dalaraŭ. EPAM kupiŭ hetu nieruchomaść letaś.
Uviesnu EPAM adnaviŭ najmańnie piersanału va Ukrainie (jaho skasavali paśla pačatku vajny). Na sajcie kampanii na hety momant adkryta 70+ vakansij dla suiskalnikaŭ.
Niehatyŭna na biznesie, jak zajaŭlajuć u EPAM, mohuć adbicca i novyja sankcyi z boku ES i inšych krain u dačynieńni da Rasii i Biełarusi. U spravazdačy adznačajecca, što kampanija była vymušanaja pieranieści pracu pa niekatorych prajektach u inšyja łakacyi.
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach5
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary