Ekanomika

Niamiecki ruchavik, hidraŭlika, płuh u padarunak. Jak vyhladajuć i kolki kaštujuć biełaruskija traktary-samarobki 

Samarobnyja traktary ŭnikalnyja. Kožny ź ich — adzinkavaje ŭvasableńnie kanstruktarskaha hienija stvaralnika. Madelny rad traktaroŭ-samarobkaŭ raznastajny: ad nieachajna sabranych da padkreślena daskanałych. Voś što ź niezvyčajnaj techniki vystavili na prodaž.

Fota: vk.com/by.traktor

Toje, kolki biełarusaŭ zaniatyja vynachodnictvam ułasnych madelaŭ traktarnaj techniki, pierakonvaje: traktary — naša druhoje «ja», tamu my i vyrablajem svaich zavodskich «biełarusaŭ».

Fota: vk.com/by.traktor

Hety, «viasiołaha» koleru, samarobny traktar źjaviŭsia na śviet u 2016 hodzie. Pad kapotam u jaho «statak z 75 koniej». Košt — 2 tysiačy rubloŭ. Pakupnikoŭ jon čakaje ŭ Astrašyckim Haradku.

Stvaralnik aceńvaje jaho stan jak «sieŭ i pajechaŭ». Jon piša, što «tarmazy i rulavoje vydatnyja». «Niama tradycyjnych plamaŭ aleju abo tasołu pad traktaram! Ničoha nie kapaje, nie stukaje, nie pukaje».

Z apisańnia techničnych charaktarystyk vynikaje, što sabrany traktar z načyńnia rasijskaha aŭtapramu.

U adnym z kamientaroŭ z afarboŭki traktara pažartavali: «kłoŭn biez kołaŭ zastaŭsia». Niezvyčajnaja mašyna vyklikała cikavaść.

Fota: vk.com/by.traktor

Hety traktar stvaralnik nazyvaje «mini-šasikam». Jon sabrany sioleta i kaštuje 8 624 rubloŭ. Pakupniku haspadar abiacaje ŭ padarunak koły i ruchavik.

Mahutnaść mašyny — 18 «koniej», a jaje hruzapadjomnaść — 600 kiłahramaŭ. Pavodle haspadara, traktar maje farkop dla lehkavoha pryčepa. Kuzaŭ adkidny. U kamplekcie płuh i naviasnaja barana.

Kamientatary dyskutujuć pra canu traktara: ličać jaje zavyšanaj.

Fota: vk.com/by.traktor

Hetamu «hroznamu» traktaru-samarobku try hady. Jon sabrany z rasijskaha i bałharskaha načyńnia. Košt — 5 174 rubloŭ.

Haspadar zapeŭnivaje: jaho mašyna mahutnaja i manieŭranaja.

Kamientatary sumniavajucca ŭ adekvatnaści vystaŭlenaj za taki traktar cany.

«Technika prykolnaja, ale, kali ščyra, mnahavata», — adznačajuć jany.

Fota: vk.com/by.traktor

Hety z vyhladu niazhrabny samarobny traktar haspadar nazyvaje «niamieckim», bo ruchavik u jaho z Audi.

Stvorana mašyna ŭ 2021 hodzie, a kaštuje jana bolš za 3 tysiačy rubloŭ. Haspadar abiacaje płuh u padarunak.

Fota: vk.com/by.traktor

Za hety traktar uładalnik prasiŭ 1 254 rubloŭ. Mašynie amal 15 hadoŭ. Ciahnie jaje bienzinavy ruchavik ad Volkswagen, a zadni most uziaty z rasijskaha aŭto.

Traktar, jak paviedamiŭ haspadar, užo kupili.

Fota: vk.com/by.traktor

Cana hetaha pryhažuna była 3600 rubloŭ. Jak zapeŭnivaŭ haspadar, na traktary dyzielny ruchavik turba Volkswagen i ŭ jaho 16 pieradač. Mašyna asnaščanaja hidraŭlikaj. Dla kiroŭcy i pasažyra — kamfortnyja siadzieńni.

«Košt vielmi zanižany, dobry aparat», — ličać kamientatary. Achvotnym ahledzieć traktar žyŭcom haspadar paviedamiŭ, što ŭžo jaho pradaŭ.

Hetuju maleču stvaralnik pradaje za 3,8 tysiačy rubloŭ, ale dapuskaje torh. U rekłamavańni mužčyna nie šmatsłoŭny. Jon adznačaje, što jahony traktar «vydatny pamočnik». Jak vynikaje z pryvatnaj staronki, haspadar jašče toj štukar. Vystaŭlenaja na prodaž mašyna — nie pieršaja jaho raspracoŭka.

«Klovy aparat. Nie zvažaj na kuchonnych «ekśpiertaŭ», — chvalać jaho kamientatary i zyčać udačy ŭ prodažy.

Čytajcie taksama:

Žychar Vilejki svaimi rukami sabraŭ usiudychod, jaho nazvali «Biehiemotam»

MTZ choča rabić traktary z hazavymi ruchavikami i traktary-bieśpiłotniki

Rybackija boty da pojasa i traktary, što płavajuć u vadzie. Jak źbirajuć žuraviny na Paleśsi

«Naša Niva» — bastyjon biełaruščyny

PADTRYMAĆ

Kamientary

Ciapier čytajuć

Jak za hod źmianiłasia kolkaść biełarusaŭ u Litvie. Ličby ŭražvajuć13

Jak za hod źmianiłasia kolkaść biełarusaŭ u Litvie. Ličby ŭražvajuć

Usie naviny →
Usie naviny

Žaze Maŭryńju ŭchapiŭ treniera «Hałatasaraja» za nos paśla matča Kubka Turcyi

Suprać Biełarusi taryfy Trampa nie ŭviedzienyja7

Łatuška: Muž Mielnikavaj pakinuŭ Polšču 3 sakavika15

«Raźličvać niama na što». Administracyja Trampa zamaroziła finansavańnie stypiendyj, pa jakich vučacca ŭ tym liku i biełarusy8

«Dzień vyzvaleńnia Amieryki». Donald Tramp abviaściŭ usiamu śvietu handlovuju vajnu27

«Baču pomstu za maju pracu». Volha Siamaška adreahavała na rasśledavańnie «NN» 49

Pasoł Rasii apałčyŭsia na palitemihrantaŭ za «paŭzučuju pałanizacyju» Biełarusi24

Suŭładalnika «Varhiejminha» Mikałaja Kacałapava abvinavačvajuć u danatach apazicyjnym strukturam na sotni tysiač dalaraŭ12

Ci sapraŭdy delehaty KR admovilisia prachodzić palihraf? Kraŭcoŭ adkazvaje Žyharu29

bolš čytanych navin
bolš łajkanych navin

Jak za hod źmianiłasia kolkaść biełarusaŭ u Litvie. Ličby ŭražvajuć13

Jak za hod źmianiłasia kolkaść biełarusaŭ u Litvie. Ličby ŭražvajuć

Hałoŭnaje
Usie naviny →

Zaŭvaha:

 

 

 

 

Zakryć Paviedamić