Ihar «Janki» patłumačyŭ pryčynu stvareńnia Biełaruskaha dobraachvotnickaha korpusa
Biełaruskija dobraachvotniki, jakija vajujuć va Ukrainie suprać rasijskich vojskaŭ, Ihar «Janki» Jankoŭ, Andrej «Nieśmiarotny» Traceŭski i Radzivon «Hiena» Batulin 25 śniežnia abviaścili ab stvareńni Biełaruskaha dobraachvotnickaha korpusa. Siońnia Ihar «Janki» raźmiaściŭ karotki zvarot na jutubie.
Jon raspavioŭ, što jość šmat pytańniaŭ z nahody stvareńnia BDK i bolš infarmacyi budzie paźniej.
«Ciapier tolki skažu, što pryčynaj stvareńnia BDK pierš-napierš stała niazhoda z tym, što biełaruskich vajaroŭ sprabujuć palityzavać. Vajna ciapier tut, va Ukrainie, my bačym jaje na svaje vočy. Pieramoha ŭ hetaj vajnie dla Biełaruskaha Dobraachvotnickaha Korpusa — heta samy hałoŭny pryjarytet», — skazaŭ jon.
Jon dadaŭ, što pytańni na ŭstup navabrancaŭ Korpus pakul nie razhladaje.
«My na pieradavoj i ciapier pracujem tolki ź pierachodami da nas tych, chto ŭžo maje bajavy dośvied i reputacyju», — skazaŭ Ihar «Janki».
Biełaruski dobraachvotnicki korpus — biełaruskaje vajskovaje padraździaleńnie ŭ składzie Uzbrojenych sił Ukrainy.
«Meta — deakupacyja Ukrainy i Biełarusi z rasijskaha pałonu. Namiery — kožny dzień paćviardžajucca źniščeńniem voraha na froncie», — havorycca ŭ padvodcy da videa z zajavaj pra stvareńnie Korpusa.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ2
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary
Chłopcy,pri vsiem uvažienii,čto za bried?