Ihar «Janki», Andrej «Nieśmiarotny» i Radzivon «Hiena» stvaryli «Biełaruski Dobraachvotnicki Korpus»
Viadomyja biełaruskija dobraachvotniki, jakija vajujuć va Ukrainie suprać rasijskich vojskaŭ, Ihar «Janki» Jankoŭ, Andrej «Nieśmiarotny» Traceŭski i Radzivon «Hiena» Batulin abviaścili ab stvareńni «Biełaruskaha Dobraachvotnickaha Korpusa», paviedamlaje Reform.by.
Zajavu ab stvareńni novaha dobraachvotnickaha farmiravańnia jany raźmiaścili na jutubie.
«Meta — deakupacyja Ukrainy i Biełarusi z rasijskaha pałonu. Namiery — kožny dzień paćviardžajucca źniščeńniem voraha na froncie. Voinskija šerahi kožny dzień rastuć. Addanaść abranamu šlachu kožnaje imhnieńnie bačać našy zahinułyja braty. Biełaruś pieradusim!» — havorycca ŭ padvodcy da videa.
Nijakich inšych padrabiaznaściaŭ nie pryvodzicca.
Raniej lidary novaha farmiravańnia ŭvachodzili ŭ roznyja dobraachvotnickija atrady. Tak, «Janki» nazyvaŭ siabie kamandziram biełaruskaha padraździaleńnia va ŭkrainskim dobraachvotnickim bataljonie «Braterstva», kulamiotčykam ukrainskaj hrupy «Tradycyja i paradak», kamandziram internacyjanalnaha bataljona «Tytan».
Radzivona Batulina da pačatku poŭnamaštabnaj vajny viedali jak adnaho z najbližejšych paplečnikaŭ Siarhieja «Bocmana» Karotkich. Ciapier Radzivon viadomy jak pradstaŭnik bataljona «Teror». Heta farmiravańnie letam 2022 hoda pakinuła połk Kalinoŭskaha i dziejničała jak samastojnaja adzinka. Paviedamlałasia, što ŭ pačatku śniežnia va Ukrainie była raspačataja kryminalnaja sprava za toje, što pradstaŭniki bataljona «Teror» źbili dobraachvotnika pałka Kalinoŭskaha.
-
«Hieahrafija ŭkrainskich dalokabojnych sankcyj pastajanna pašyrajecca». Zialenski prakamientavaŭ udar «Fłaminha» pa zavodzie, jaki vyrablaje «Arešniki»
-
Ukraina ŭdaryła piaćciu «Fłaminha» pa zavodzie ŭ Vałhahradzie, dzie vyrablajuć «Arešnik»
-
USU krytyčna paškodzili Centr kaśmičnaj suviazi ŭ Husi-Chrustalnym za Maskvoju
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»3
Kamientary
Tolko žielezom i solidarnosťju možno vyžieċ etu sovkovuju khbešnuju rakovuju opuchol iz Biełarusi. Vmiestie pobiedim!!