Chunta Mjanmy pa amnistyi vyzvalić bolš za 7000 źniavolenych. Ale pakul nie zrazumieła, ci buduć siarod ich palitviaźni
Vajskovy ŭrad Mjanmy 4 studzienia zajaviŭ, što vypuścić na volu pa amnistyi 7012 čałaviek u honar 75-hodździa niezaležnaści krainy. Kiraŭnik chunty Mjanmy Min Aun Chłain u efiry dziaržaŭnaha telekanała MRTV zajaviŭ, što rašeńnie ab amnistyi ŭ tym liku zasnavana na padziacy «niekatorym mižnarodnym i rehijanalnym arhanizacyjam i krainam» za padtrymku i pryznańnie jaho režymu.
Telekanał MRTV taksama paviedamiŭ, što pad apošniuju amnistyju nie trapiać asudžanyja za zabojstvy i zhvałtavańni, a taksama źniavolenyja pa abvinavačvańniach, źviazanych ź niezakonnymi farmiravańniami, vybuchovymi rečyvami, zbrojaj, narkotykami, pravakavańniem stychijnych biedstvaŭ i karupcyjaj.
Nahadajem, što Mjanma sutyknułasia ź mižnarodnaj izalacyjaj i sankcyjami pad kiraŭnictvam Zachadu z taho času, jak amal dva hady tamu armija i siłaviki zachapili ŭładu ŭ demakratyčna abranaha ŭrada, kryvava padavili prademakratyčnyja pratesty, raźviazali hramadzianskuju vajnu suprać nacyjanalnych mienšaściaŭ, jakaja idzie i dahetul, i tym samym vycieśnili za miežy krainy sotni tysiač čałaviek.
U svaju čarhu lidar zrynutaha demakratyčnaha ŭrada i łaŭreat Nobieleŭskaj premii miru Aun San Su Čžy była niadaŭna asudžanaja chuntaj na 7 hadoŭ źniavoleńnia. Na mižnarodnaj arenie i asabliva ŭ Radzie Biaśpieki AAN dziejańni vajskovaj chunty Mjanmy zvyčajna padtrymlivajuć Rasija i Kitaj.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić44
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić4
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary