Nakolki zacikaŭlena Jeŭropa ŭ źmienach u Biełarusi, pakazali vyniki debataŭ u Jeŭraparłamiencie
U čaćvier temaj debataŭ u Jeŭraparłamiencie stała situacyja z palityčnymi viaźniami ŭ Biełarusi, sankcyi suprać režymu Łukašenki, a taksama vizit u Minsk ministra zamiežnych spraŭ Vienhryi.
Ab padrabiaznaściach raspaviadaje DW. U centry dyskusii stajała pytańnie sankcyjnaj palityki Jeŭrasajuza. Za ŭzmacnieńnie sankcyj suprać Biełarusi vykazałasia deputatka ad Łatvii Sandra Kałnijecie. Jana zaklikała da raspaŭsiudžvańnia ŭsich ekanamičnych i finansavych sankcyj, nakiravanych suprać Rasii, na Biełaruś. Pytańnie roli i miesca Biełarusi pavinna być častkaj rasśledavańniaŭ i spraŭ, zaviedzienych suprać Rasii ŭ mižnarodnych sudach i trybunałach.
Za ŭzmacnieńnie sankcyj suprać «padzielnika Pucina» vykazaŭsia jeŭradeputat ad Niderłandaŭ Tejs Rojtan. Jon ža raskrytykavaŭ vizit u Minsk vienhierskaha ministra zamiežnych spraŭ Pietera Sijarty i vykazaŭsia za ŭzmacnieńnie padtrymki demakratyčnych sił Biełarusi. A pastajanny dakładčyk pa Biełarusi litoŭski jeŭradeputat Piatras Aŭštravičus pacikaviŭsia, ci hučała tema palitźniavolenych padčas vizitu vienhierskaha ministra ŭ Minsk. Jaho suajčyńnik Juozas Olekas prapanavaŭ bolš pracavać z krainami Amieryki, Afryki i Azii, kab dabicca jašče bolšaj izalacyi režymu Łukašenki. Ideju ŭzmacnieńnia sankcyj padtrymaŭ jeŭradeputat ad Polščy Tomaš Frankoŭski.
Na niedastatkovaść mier, pryniatych Jeŭropaj suprać Biełarusi, źviartała ŭvahu jeŭradeputatka ad Čechii Markieta Hrehorava. Aktualnaje miesca krainy ŭ jeŭrapiejskim paradku jana paraŭnała z «nadakučlivaj muchaj, jakaja hudzić», na prablemie Pucina.
Z vusnaŭ namieśnicy hłavy delehacyi Jeŭraparłamienta pa adnosinach ź Biełaruśsiu Karyn Karłsbro hučała krytyka namieraŭ Mižnarodnaha alimpijskaha kamiteta dapuścić rasijskich i biełaruskich spartoŭcaŭ da Alimpijskich hulniaŭ.
«U piekle pavinna być asobaje miesca dla lidaraŭ, jakija prysłužvajuć dyktataram», — cytuje jaje DW.
Kali havaryć pra kankretnyja płany, to ich ahučyŭ jeŭrakamisar Janiez Lenarčyč. Pa jaho słovach, Jeŭrakamisija pracuje nad pryniaćciem dadatkovych sankcyj, jakija buduć nakiravanyja suprać sudździaŭ i prakuroraŭ. Pašyreńnie sankcyj na inšyja śfiery budzie zaležać ad udziełu Biełarusi ŭ vajnie.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać25
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary