Śviet22

Bakijeŭ choča viarnucca ŭ Kyrhyzstan?

Paśla sustrečy eks-prezidentaŭ u Dubai hetuju temu aktyŭna abmiarkoŭvajuć u Kyrhyzstanie i žurnalisty, i palitołahi, i deputaty, piša «Narodnaja vola».

Nie tak daŭno ŭ Dubai adbyłasia sustreča Sadyra Žaparava z usimi byłymi prezidentami Kyrhyzstana. Sam fakt sustrečy Žaparava z byłymi prezidentami, u tym liku z asudžanym i abvieščanym u vyšuk Kurmanbiekam Bakijevym, vyklikaŭ nieadnaznačnuju reakcyju ŭ hramadstvie.

«Narodnaja vola» sabrała niekatoryja rezanansnyja vykazvańni, jakija tyčacca Bakijeva. Jak viadoma, jon užo daŭno źjaŭlajecca hramadzianinam Respubliki Biełaruś, maje biełaruski pašpart i žyvie ŭ Minsku.

Eks-kiraŭnik Kyrhyzstana Ałmaźbiek Atambajeŭ, jaki niadaŭna vyzvaliŭsia z-za krataŭ, zajaviŭ, što «ŭstalavańnie miru i adzinstva ŭ našaj krainie i viartańnie Bakijeva ŭ Kyrhyzstan — heta dźvie vialikija roźnicy».

Deputat i juryst Dastan Biekiešaŭ ličyć, što reabilitacyja Bakijeva pačałasia try hady tamu.

Pa jaho słovach, pa pytańni mahčymaha viartańnia Bakijeva ŭ Kyrhyzstan u pieršuju čarhu pavinny vykazacca siemji zahinułych. «Reabilitacyja Bakijevych pačałasia jašče ŭ 2020 hodzie. Usie heta vydatna razumiejuć, u pryncypie, šmat čaho rabiłasia dla taho, kab reabilitavać hetaje minułaje. Tut pavinny ŭ pieršuju čarhu vykazacca svajaki zahinułych 7 krasavika 2010 hoda… A ŭ cełym ja suprać reabilitacyi. Ja spadziajusia, što na hetaj sustrečy nie było i havorki pra toje, kab viarnuć Bakijevych. Ciapier pytańnie staić, tolki b nacyjanalizavanuju majomaść nie viarnuli», — skazaŭ Biekiešaŭ.

«Zhodna ź mižnarodnym pratakołam miždziaržaŭnych pahadnieńniaŭ, nakolki ja pamiataju, prezident u mižnarodnych pajezdkach pradstaŭlaje dziaržavu, i miesca jaho znachodžańnia ličycca dziaržavaj, — skazaŭ Biekiešaŭ, kamientujučy sustreču eks-prezidentaŭ Kyrhyzstana. — I ŭ vypadku, kali abvieščany ŭ vyšuk złačyniec źjaviŭsia na haryzoncie, słužba supravadžeńnia abaviazanaja źviazacca ź miascovym adździaleńniem Interpała z prośbaj pasadziejničać u zatrymańni hramadzianina, jaki znachodzicca ŭ mižnarodnym vyšuku. Navat łahična heta pavinna być tak».

Pra heta kaža i juryst Tattuububu Erhiešbajeva: «Dla prezidenta i ŭłady Kyrhyzstana nie moža być niejtralnaj terytoryi. Kali sudom vyniesiena rašeńnie ab jaho vinavataści i eks-prezident paźbiahaje adkaznaści, značyć, jon źjaŭlajecca złačyncam u vyšuku. Prezident, jak harant Kanstytucyi i padtrymańnia nacyjanalnaj biaśpieki Kyrhyzstana, nie moža sustrakacca sa złačyncam, jakoha šukajuć».

Dniami były prezident Kyrhyzstana Askar Akajeŭ u intervju YouTube-kanału Avtor TV adkazaŭ na pytańnie, ci nie źjaŭlajecca sustreča ŭ Emiratach padrychtoŭkaj Sadyra Žaparava da viartańnia Kurmanbieka Bakijeva ŭ Kyrhyzstan.

Pavodle jaho słoŭ, Sadyr Žaparaŭ na hetaj sustrečy vyrazna skazaŭ, što kožny pavinien nieści adkaznaść u ramkach zakona.

«Raspaviadu, jak jość. Prezident Sadyr Žaparaŭ padčas sustrečy z nami i ŭ svajoj zajavie taksama vyrazna akreśliŭ svajo mierkavańnie: kožny pavinien nieści adkaznaść u ramkach zakona. Jon adkryta i vyrazna heta skazaŭ. Ja padtrymlivaju hetuju pazicyju. U hetym płanie Sadyr Žaparaŭ pracuje dobra. Hałoŭnaje, jon skazaŭ, što stvoryć umovy dla hetaha. Dziakuj jamu. Jon dva hady tamu stvaryŭ dla mianie ŭmovy, skazaŭ: kali vy chočacie vyrašyć svaje pytańni, to možacie pryjechać i adkazać pa zakonie. Ja skarystaŭsia hetym šancam i prylacieŭ u krainu na nastupny ž dzień. Byŭ nie adzin raz, a niekalki. Z ranicy da viečara siadzieŭ u kampietentnych orhanach i adkazvaŭ na ŭsie ich pytańni, daŭ pakazańni i ŭ kancy aficyjna źviarnuŭsia da naroda, paprasiŭ prabačeńnia. Ja ŭsie hetyja pracedury zrabiŭ na padstavie zakona», — skazaŭ Akajeŭ. 

Prezident Kyrhyzstana sustreŭsia z usimi byłymi kiraŭnikami dziaržavy

Kamientary2

  • Bienia
    27.02.2023
    Dieńhi zakančivajutsia prosto.
  • daviedka
    27.02.2023
    Bakijeva pochodu na tu schodku v Dubaj (Objedinionnyje Arabskije Emiraty) voził i zabirał lično sam Łukašienko.

Ciapier čytajuć

Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej6

Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej

Usie naviny →
Usie naviny

Biełarus aburyŭsia «varjackimi» cenami na krasoŭki13

Łukašenka: U amierykancaŭ niama nijakaha płana, jany prosta zandujuć hlebu17

Pamočnik Pucina Patrušaŭ zajaviŭ, što Rasija bačyć pahrozu dla siabie ŭ Bałtyi. Dastałasia i Finlandyi9

U Kramli da idei pieramirja staviacca vielmi skieptyčna — Bild

Samy cichi dzień i čas u handlovym centry. Kali chadzić na šopinh, kab nie stajać u čerhach u prymieračnyja

Aŭstralijec pražyŭ 100 dzion z štučnym tytanavym sercam u čakańni donarskaj transpłantacyi

«Ruskija i amierykancy plaskajuć u ładki». Maskva, Bierlin i Vašynhton abmiarkoŭvajuć adnaŭleńnie pastavak syraviny ŭ Hiermaniju na NPZ «Rasnafty»7

Samalot śpiecpasłańnika Trampa Styva Uitkafa pryziamliŭsia ŭ Maskvie2

Pachaładaje da 0..+7°S, nočču da -9°C, čakajecca mokry śnieh

bolš čytanych navin
bolš łajkanych navin

Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej6

Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej

Hałoŭnaje
Usie naviny →

Zaŭvaha:

 

 

 

 

Zakryć Paviedamić