Prezident Kyrhyzstana sustreŭsia z usimi byłymi kiraŭnikami dziaržavy
Prezident Kyrhyzstana Sadyr Žaparaŭ sustreŭsia z usimi byłymi kiraŭnikami dziaržavy. Sustreča prajšła na niejtralnaj terytoryi.
Pa słovach pres-sakratara prezidenta, pryjechali Askar Akajeŭ, Kurmanbiek Bakijeŭ, Roza Atunbajeva, Ałmaźbiek Atambajeŭ, a taksama Saaranbaj Žeenbiekaŭ.
Jak napisaŭ Žaparaŭ u fejsbuku, jon sieŭ za adzin stoł z usimi byłymi kiraŭnikami dziaržavy dziela stabilnaści.
«U ciapierašniuju epochu hłabalizacyi tolki krainy, jakija imknucca da ŭnutranaj stabilnaści, nacyjanalnaj zhody, ustajuć na šlach raźvićcia i stanoviacca mahutnymi dziaržavami. U jakim stanie ciapier znachodzicca staražytny kyrhyzski narod? Z-za adsutnaści harmonii, baraćby za ŭładu my hublajem našu staražytnuju impieryju i, zdajecca, zastajomsia ŭ kutku Siaredniaj Azii», — napisaŭ jon.
«Mianie daŭno hniała dumka pra toje, što kali abjadnać usich prezidentaŭ, jakich vybraŭ narod, čyj termin skončyŭsia sumna, to, mahčyma, my staniem adzinym narodam, zhurtavanym u adzin kułak. Maja meta — abjadnać prychilnikaŭ byłych prezidentaŭ, adnadušna raźvivać narod i ekanomiku krainy», — dadaŭ Žaparaŭ.
Kamientary