Krasamoŭna. Što łukašenkaŭskija kanały napisali pra vybuchi ŭ Mačuliščach
Amal ničoha, i heta pra mnohaje kaža.
Łukašenkaŭskija prapahandysty dahetul ihnarujuć infarmacyju pra vybuchi na aeradromie ŭ Mačuliščach — adkaznaść za ich uziała inicyjatyva biełaruskich siłavikoŭ suprać dyktatury «Bajpoł». Jany śćviardžajuć, što biełaruskija padpolščyki vyvieli z ładu miehakaštoŭny samalot dalokaj raźviedki koštam 330 miljonaŭ dalaraŭ.
«Puł Pieršaha»: «Zavtra» i Maślenka
26 lutaha kanał źmiaściŭ vinšavańni z Maślenicaj i post redaktara ultrašavinistyčnaj rasijskaj haziety «Zavtra».
Azaronak: «Zavtra» i paŭdurak
Na telehram-kanale Ryhora Azaronka 26 lutaha była radaść ad poŭnaj zały na minskim kancercie rasijskaha pop-śpievaka Ryhora Lepsa. Ën taksama źmiaściŭ repost naviny pra redaktara haziety «Zavtra» z apakaliptyčnym podpisam «Łukašenka — lidar Sudnaha Dnia», a potym uviečary apublikavaŭ videa pra «Satanu, jaki paradziŭ zmaharoŭ».
Adzinaja reakcyja na zdareńnie ŭ Mačuliščach (ale ŭžo na nastupny dzień) była ŭ karotkim vypadzie ŭ bok kiraŭnika BYPOL Alaksandra Azarava biez zhadvańnia vybuchu.
Dziermant: taksama «Zavtra»
Prapahandyst Dziermant nijak učora nie prakamientavaŭ vybuchi ŭ Mačuliščach.
Zamiest hetaha jon vykłaŭ sełfi z usio tym ža hałoŭnym redaktaram haziety «Zavtra» i krychu parazvažaŭ ab tym, što Rasija pryniesła va Ukrainu.
Tolki na nastupny dzień Dziermant napisaŭ, što infarmacyja pra vybuch samalota — heta «vbros».
Špakoŭski: «Rasijskija kalehi pravalili test na adekvatnaść»
Alaksandr Špakoŭski byŭ adnym z tych redkich prapahandystaŭ, chto prakamientavaŭ vybuchi ŭ Mačuliščach u toj ža dzień.
Pry hetym reakcyja była niešmatsłoŭnaja: repost ź inšaha kanała i ŭłasnaje vyčytvańnie rasijanam za raspaŭsiudžvańnie infarmacyi.
«Biełorusskij siłovik»: Dyviersija ŭ Mačuliščach — fejk
Hety telehram-kanał nazvaŭ infarmacyju pra dyviersiju fejkam i zaklikaŭ nie raspaŭsiudžvać jaje.
Maŭčańnie
Astatnija łukašenkaŭskija kanały incydent u Mačuliščach nie zhadvali. Pastva pastyra Sudnaha dnia — Ludmiła Hładkaja, «Žoŭtyja ślivy», Ihar Tur, «Ja/My AMON», «Zvodki centra», «Kibierhraf Vilenski» ŭvohule z hetaj nahody ničoha nie napisali.
U toj ža čas siłaviki pačali sačyć i šukać u internecie tych, chto vykazvajecca pazityŭna nakont źniščeńnia rasijskaha samalota.
Fakt maŭčańnia aficyjnaha Minska krasamoŭny. Na fonie taho, što adnačasova na miežach krainy raspačalisia biesprecedentnyja miery kantrolu ludziej na vyjezd, a na darohach źjavilisia pasty DAI, maŭčańnie heta, napeŭna, znak, što nastupstvy dyviersii samyja surjoznyja. Inakš by ŭžo toj samalot pakazali.
Čytajcie jašče:
«13:00 uziaćcie Kijeva. 18:00 kancert Hazmanava». Stenahrama i chranałohija taho, što biełaruskija prapahandysty ŭ ekstazie pisali 24—25 lutaha 2022 hoda
«Žestačajšaj dyscypliny!» Łukašenka adčytaŭ kiraŭnictva siłavoha błoku. Na Chreninu nie było tvaru
«Samym składanym była evakuacyja». Azaraŭ pra padrabiaznaści padryvu rasijskaha samalota ŭ Mačuliščach
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju12
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary