Praviadzieńnie słužbaŭ u kaściołach Hrodzienščyny na polskaj movie čynoŭniki nazvali niezakonnym
Padčas sustrečy 28 lutaha kiraŭnictva Iŭjeŭskaha rajona sa śviatarami pa pytańniach «raźvićcia etnakanfiesijnaj śfiery» akcent zrabili na prablemnych pytańniach, paviedamiła hazieta rajvykankama. Adnoj z takich prablem było nazvana praviadzieńnie ŭ katalickich parafijach śviatoj imšy na polskaj movie.
«Prablemnym zastajecca vykarystańnie polskaj movy padčas słužbaŭ u katalickich chramach rajona, što niedapuščalna zhodna z Zakonam Respubliki Biełaruś «Ab movach u Respublicy Biełaruś», — pryvodzić vydańnie słovy zahadčycy siektara ideałahičnaj raboty i pa spravach moładzi Volhi Barko.
«Praviadzieńnie śviatoj imšy na polskaj movie ŭ katalickich parafijach Biełarusi, asabliva na zachadzie krainy, — tradycyja, jakaja skłałasia histaryčna. U kaściołach słužby prachodziać jak na biełaruskaj, tak i na polskaj movach — dla pradstaŭnikoŭ polskaj dyjaspary i dla tych, chto ź dziacinstva pryvyk malicca pa-polsku.
Naprykład, u Iŭjeŭskim kaściole ŭ niadzielu dźvie ranišnija niadzielnyja słužby prachodziać na polskaj movie (jak praviła, z ranicy ŭ chramy prychodzić bolš starejšych ludziej), a ŭ abied (dla dziaciej i maładych baćkoŭ) i ŭviečary (dla moładzi) — na biełaruskaj movie», — adreahavaŭ na zajavy čynoŭnikaŭ katolik.life.
Pavodle infarmacyi resursu, u kaściołach Biełarusi časta pravodziać słužby nie tolki pa-polsku, ale i pa-anhlijsku — dla studentaŭ z Azii i Afryki.
«Ź inšaha boku, sami katoliki dyskutujuć pra toje, nakolki praparcyjanalna praviadzieńnie śviatoj imšy pa-polsku i pa-biełarusku ŭ zachodniaj častcy krainy. Ale heta — pytańni samich parafij i dyjacezij, dzie kirujucca pažadańniami viernikaŭ», — piša katolik.life.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ1
Kamientary