«Skarhaŭ niama, umovy adpaviadajuć usim patrabavańniam». Hramadskaja kamisija naviedała kałoniju ŭ Mahilovie
Pradstaŭniki Respublikanskaj hramadskaj nahladalnaj kamisii pry Miniuście sumiesna z pradstaŭnikami Hienprakuratury, Departamienta vykanańnia pakarańniaŭ MUS i inšymi naviedali Papraŭčuju kałoniju №15 u Mahilovie. Jak paviedamlaje Miniust, heta adbyłosia ŭ metach «ažyćciaŭleńnia hramadskaha kantrolu».
U PK-15 utrymlivajuć źniavolenych, jakija adbyvajuć pakarańnie ŭ vyhladzie pazbaŭleńnia voli ŭpieršyniu.
«Umovy raźmiaščeńnia, charčavańnia, lačeńnia, arhanizacyja volnaha času asudžanych i ich pracaŭładkavańnia ŭ PK №15 adpaviadajuć usim patrabavańniam, ustanoŭlenym da sistemy vykanańnia pakarańniaŭ. Padčas hutarki z asudžanymi skarhaŭ i narakańniaŭ na pracu administracyi papraŭčaj ustanovy i ŭmovy raźmiaščeńnia nie pastupała», — adspravazdačyłasia kamisija.
Členy kamisii praviali ankietavańnie asudžanych, a namieśnik načalnika ŭpraŭleńnia Hienprakuratury asabista pryniaŭ hramadzian. Źniavolenych cikavili pytańni paradku adbyvańnia pakarańnia, aśpiekty prymianieńnia amnistyi, mahčymaść zamieny pryznačanaha pakarańnia miakčejšym, paviedamlaje Hienprakuratura.
Jana taksama ŭdakładniła, što ŭ ramkach rabočaj pajezdki prakurorski rabotnik raskazaŭ asudžanym ab chodzie rasśledavańnia kryminalnaj spravy ab hienacydzie biełaruskaha naroda ŭ hady Vialikaj Ajčynnaj vajny.
Chto ŭvachodzić u kamisiju siońnia, nieviadoma.
U PK №15 utrymlivajuć amal 100 palitźniavolenych, siarod ich Andrej Skurko, Alaksandr Fiaduta i Dzianis Ivašyn.
-
DAI prapanuje zamianić nievialikija maršrutki aŭtobusami bolšaj umiaščalnaści
-
«Asnoŭny instrumient — hienietyčnaja ekśpiertyza». U Śledčym kamitecie raskazali, jak raskryvajuć zabojstvy daŭno minułych hadoŭ
-
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć6
Kamientary