Minabarony Vialikabrytanii: Rasijskija vojski viartajucca da abarony paśla niaŭdałaha nastupu na Bachmut
Nastup Rasii ŭ rajonie Bachmuta spyniŭsia, što moža śviedčyć ab krajniaj stupieni źniasileńnia rasijskich vojskaŭ, havorycca ŭ štodzionnaj zvodcy Minabarony Vialikabrytanii. Viedamstva adznačaje, što ŭkrainskija vajskoŭcy taksama panieśli ciažkija straty padčas abarony horada.
Ekśpierty ličać, što ciapier kamandavańnie RF, vierahodna, zasiarodziła svaje namahańni na Aŭdziejeŭcy (horad na poŭdni ad Bachmuta), a taksama na linii Svatava-Kramiannaja, dzie imkniecca stabilizavać liniju frontu. Heta, u svaju čarhu, moža śviedčyć ab ahulnym viartańni Rasii da abarončaj apieratyŭnaj schiemy paśla niepierakanaŭčych vynikaŭ ahulnaha nastupu, zaklučajuć aŭtary.
Asobna ŭ zvodcy padkreślivajecca, što situacyju dla Rasii pahoršyła napružanaść pamiž Minabarony RF i «PVK Vahnier».
Napiaredadni hałoŭnakamandujučy USU Valeryj Załužny zajaviŭ, što na kirunku Bachmuta situacyja zastajecca najbolš składanaj, ale «abstanoŭku ŭdajecca stabilizavać» dziakujučy «tytaničnym namahańniam» ukrainskich vajskoŭcaŭ.
Syrski: Abarona Bachmuta praciahvajecca, iduć intensiŭnyja bai
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary