Kamandujučy Suchaputnymi vojskami USU Alaksandr Syrski paviedamiŭ, što na Bachmuckim kirunku praciahvajucca intensiŭnyja bai, akupanty sprabujuć prasunucca da centra Bachmuta, ale siły abarony nie dajuć im hetaha zrabić.
«Abarona Bachmuta praciahvajecca. Uzdoŭž usioj linii frontu ŭ zonie adkaznaści ŭschodniaj hrupoŭki vojskaŭ iduć intensiŭnyja bajavyja dziejańni. Na Bachmuckim napramku pastajanna źniščajecca varožaja technika, žyvaja siła praciŭnika i varožyja składy», — skazaŭ Syrski.
Pa jaho słovach, šturmavyja hrupy voraha sprabujuć prasoŭvacca z uskrain da centra horada, ale siły abarony pracujuć i źniščajuć ich kruhłasutačna.
Jon taksama paviedamiŭ, što artyleryja 24-j bryhady imia Karala Daniiła nanosić mahutnyja ŭdary pa pazicyjach voraha. A desantniki 80-j bryhady strymlivajuć šturmy praciŭnika, nie dajučy jamu prasunucca napierad.
Sakratar Rady nacyjanalnaj biaśpieki i abarony Ukrainy: Bachmut dla nas źjaŭlajecca klučavym punktam
Kamientary