Va Ukrainie novy hieroj: 21-hadovy bajec, jaki adbiŭ ataku vialikaj hrupy rasijan. Jaho ŭznaharodziŭ sam Załužny
Za ździejśnieny podźvih sałdat 22-ha bataljona 92-j miechanizavanaj bryhady Rusłan Zubaraŭ (pazyŭny «Chižak», pa-ŭkrainsku heta značyć «Drapiežnik») z ruk hałoŭnakamandujučaha atrymaŭ asabistuju ŭznaharodnuju zbroju.
21-hadovy piechaciniec ździejśniŭ podźvih u bai pad Svatavam 16 lutaha. Chłopiec adzin źniščyŭ šturmavuju hrupu, jakaja naličvała 12 čałaviek, i BTR na adlehłaści 5 mietraŭ.
Da hetaha ŭkrainskija šturmaviki zdoleli prarvać abaronu na piać kiłamietraŭ. Stajała zadača zaniać «ćviorduju» abaronu. Usie tady razumieli, što budzie nialohka, ale pierad hetym užo praviedziena vialikaja rabota, tamu hublać było niama čaho. Chłopcy akapalisia.
«Chižak» u svaim telehram-kanale adznačaje:
«Dzień byŭ maksimalna zvyčajnym, ničoha nie pradrakała, što choć što-niebudź mahčyma. My z naparnikam zastupili na post, adstajali paŭtary hadziny, zastavałasia litaralna paŭhadziny, kab źmianicca i pajści adpačyvać. Ale my pačuli huł BMP-2. Padumali, što heta dzieści daloka. Ja asabista ŭsio ž vyrašyŭ pryhatavać procitankavyja srodki. Praź litaralna siekund 10 da nas vyjšli pa racyi i pasprabavali papiaredzić, što ŭ naš bok ruchajecca taja samaja BMP-2. My tołkam nie zrazumieli, što nam skazali pa racyi, bo rasijanie vykarystoŭvali srodki dla hłušeńnia suviazi. Kali nam paŭtaryli paviedamleńnie pa racyi, što da nas ruchajecca technika, jana ŭžo była zusim blizka».
Potym pačaŭsia sam boj. Chłopiec stralaŭ z aŭtamata, potym z kulamiota. Zatym pačaŭ adbivacca hranatami. «Chižak» zahadaŭ svajmu naparniku zaradzić ručny supraćtankavy hranatamiot (RPH).
«Spačatku ja razhubiŭsia. Siekundaŭ 7 i sabraŭsia, bo razumieŭ, što kali ničoha nie rabić, potym usio budzie sumna. Kažu jamu [naparniku], daj mnie RPH, i ŭklučaju na zapis kamieru — mnie treba zafiksavać taki momant. Streł z RPH pieršy raz nie spyniŭ BMP, mabyć, nie tudy patrapiŭ. Paśla druhoha strełu BMP pierastała stralać. Hladžu pa fłanhach i baču, jak adzin z akupantaŭ idzie. Dystancyja — try mietry. Śledam idzie jašče čaćviora sałdat», — raspavioŭ «Chižak».
Pa słovach chłopca, akupantaŭ nie spyniła toje, što dvoje ź ich na hetaj pazicyi chutka stali 200-m i 300-m, ale kamanda źbirałasia nastupać dalej. Z BMP vyjšli 12 čałaviek.
Sam «Chižak» kaža, što spraviŭsia dziakujučy naparniku, jaki, niahledziačy na strasieńnie mozhu, stralaŭ.
«Pa-pieršaje, jon navabraniec. Jon nasamreč upieršyniu ŭ akopie. Usie dumajuć, što jon napałochany. U jaho strasieńnie mozhu, u jaho źvinić uvuššu, a jon robić toje, što ja kažu. Kali b nie jon, u mianie ničoha nie atrymałasia b», — kaža bajec.
Jon padziakavaŭ svaim kamandziram i tavaryšam, jakija stajali dalej. Jany zreahavali i paśpiachova papracavali minamiotam. Sam «Chižak» atrymaŭ askołačnaje ranieńnie. Jany vyjšli z boju biez strat. Nastupleńnie było strymana, vorah adyšoŭ.
Źniataje «Chižakom» videa chutka ablacieła internet.
A paźniej jon byŭ zaprošany na intervju da žurnalista Juryja Butusava. U im hieroj skazaŭ, što maryć ab asabistaj vintoŭcy kalibru 5,56 mm. Na žal, pavodle jaho słoŭ, takuju vintoŭku jon nabyć nie moža, bo pa zakonach Ukrainy heta možna zrabić tolki pa dasiahnieńni 25 hadoŭ.
Hałoŭnakamandujučy Uzbrojenymi siłami Ukrainy Valeryj Załužny atrymaŭ aficyjnuju infarmacyju pra hierojstva sałdata, pahladzieŭ intervju i ŭznaharodziŭ voina nahrudnym znakam «Załaty Kryž», a taksama ŭručyŭ uznaharodnuju zbroju.
Čytajcie jašče:
Ukrainskija ekipažy viartajucca va Ukrainu paśla navučańnia na brytanskich tankach Challenger 2
Rasijski ekśpiert pryznaŭ pieravahu taktyki ŭkrainskaj armii
Kamientary