Ministr zamiežnych spraŭ Biełarusi Siarhiej Alejnik pravioŭ sustreču z žonkaj prezidenta Zimbabve Aksilijaj Mnanhahva.
Jaje vizit prachodzić u adpaviednaści z damoŭlenaściami, dasiahnutymi pamiž kiraŭnikami Biełarusi i Zimbabve padčas dziaržaŭnaha vizitu Alaksandra Łukašenki ŭ Charare, paviedamlaje BiełTA.
Paviedamlajecca, što Siarhiej Alejnik ciopła vitaŭ Aksiliju Mnanhahva ŭ Minsku, adznačyŭšy važnaść jaje pryjezdu dla plonnaha raźvićcia dvuchbakovych adnosin, asabliva ŭ humanitarnaj śfiery. Jon padkreśliŭ, što padčas vizitu Łukašenki ŭ Charare byli dasiahnuty histaryčna značnyja damoŭlenaści, dziakujučy jakim pavinien adbycca sapraŭdny praryŭ u raźvićci ŭzajemadziejańnia pa šyrokim śpiektry roznych napramkaŭ. Zaraz sprava za ŭradami i ministerstvami, jakim treba budzie ŭvasobić u žyćcio ŭsie damoŭlenaści.
Ministr źviarnuŭ uvahu na toje, što pamiž Biełaruśsiu i Zimbabve skłalisia tryvałyja palityčnyja suviazi, uzmacniajecca ekanamičnaje supracoŭnictva. Taksama dasiahnuty damoŭlenaści pa raźvićci ŭzajemadziejańnia ŭ humanitarnaj śfiery, na čym i budzie zrobleny akcent padčas vizitu pieršaj łedzi Zimbabve ŭ Biełaruś.
Klučavymi temami padčas vizitu pieršaj łedzi Zimbabve stanuć pytańni achovy zdaroŭja, miedycynskaj navuki, achovy maciarynstva i dziacinstva.
Alejnik pajechaŭ u Kieniju, na fotach adtul pabačyli Zinhmana
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary