Ministr zamiežnych spraŭ Biełarusi Siarhiej Alejnik pajechaŭ ź vizitam u Kieniju, dzie sustreŭsia ź miascovym prezidentam Uiljamam Ruta. Na fota ź vizitu, apublikavanaha pres-słužbaj Ruta, byŭ zaŭvažany i viadomy biznesmien Alaksandr Zinhman.
Pry hetym na fota pres-słužby biełaruskaha MZS Alaksandr Zinhman užo nie trapiŭ, adznačaje Reform.by.
U sakaviku 2023 hoda stała viadoma, što ŭrad Kienii płanuje kupić u kampanii biełaruskija traktary, kambajny, samazvały i inšuju techniku na sumu 320 młn dalaraŭ. Pra heta aficyjna i viałasia havorka na sustrečy z kienijskim prezidentam. «Mienavita tut u biełaruskich traktaroŭ jość budučynia», — napisaŭ Uiljam Ruta ŭ tvitary.
Ale prysutnaść Zinhmana moža śviedčyć pra toje, što ŭ hetaha vizitu jość i padvojenaje dno. Bo Alaksandr Zinhman — biznesmien, blizki da Viktara Šejmana. Viadoma, što razam z synam apošniaha Siarhiejem Šejmanam jon byŭ bienieficyjaram biznesu pa zdabyčy zołata ŭ Zimbabve. A ŭ 2021 hodzie Zinhman zatrymlivaŭsia ŭładami Demakratyčnaj Respubliki Konha pa padazreńni ŭ handli zbrojaj, ale ŭ vyniku jaho tady tak i adpuścili, nie vystaviŭšy abvinavačvańnia.
Kampanija, źviazanaja z Šejmanam i Zinhmanam, trapiła ŭ novy skandał z zołatam u Zimbabve
Samy maštabny źliŭ dakumientaŭ «Pandora papers»: što heta, što tam pra Biełaruś, pry čym tut Šejman i jaho syn
Dola Zimbabve ŭ ekanomicy Biełarusi mizernaja. Čamu tady prapahanda nadaje stolki ŭvahi vizitu Łukašenki ŭ hetuju krainu?
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES35
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary