Niekatorym palitviaźniam da palityčnych artykułaŭ dadajuć kryminalnuju spravu za parnahrafiju
Niekatorym palitviaźniam adnačasova z pratesnymi artykułami dadajuć i kryminałku pa parnahrafičnych artykułach — za vyrab i raspaŭsiudžvańnie takoha kantentu. Nakolki heta častaja praktyka, składana skazać, tamu što padobnaja statystyka dziaržorhanami nie publikujecca. Reform.by znajšoŭ jak minimum 11 padobnych kiejsaŭ.
Resurs piša, što pa niekatorych spravach pa pratesnych artykułach paralelna zavodzili kryminałku pa takich kryminalnych artykułach, jak 343 (vyrab ci raspaŭsiudžvańnie parnahrafii) i 166-171 (pryśviečany pałavoj niedatykalnaści i svabodzie).
Naprykład, palitviazień Fieliks Žylinski, jaki naradziŭsia ŭ 1964 hodzie, asudžany na čatyry hady pavodle niekalkich palityčnych artykułaŭ, uklučajučy abrazu Łukašenki. «Akramia taho, jon pa sumniŭnych padstavach abvinavačany pa č. 1 art. 343 KK za vyrab i zachoŭvańnie z metaj raspaŭsiudžvańnia malunka parnahrafičnaha charaktaru», — pisaŭ pravaabarončy centr «Viasna».
Siarod kiejsaŭ pryvodzicca i situacyja palitviazienia Mikałaja Daniša, asudžanaha ŭ lutym 2023 hoda na 8 hadoŭ kałonii ŭzmocnienaha režymu. U śpisie jaho artykułaŭ, pavodle źviestak «Viasny», jość 343 KK, źviazany z parnahrafijaj. Mikałaj Daniš uniesieny KDB u śpis terarystaŭ, ale tam nie paznačany 343-y artykuł.
Ci ŭsie spravy vydumanyja? Advakat Anton Hašynski ličyć, što, vierahodna, nie, ale kali čałaviekam pieršapačatkova zacikavilisia ŭ suviazi z palityčnym artykułam, to sprava ŭ lubym vypadku źviazanaja ź im.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary