Zdareńni44

Z-za pavodki pad Turavam hinuć turapadobnyja byki, zaviezienyja z-za miažy

Viesnavaja pavodka na Paleśsi dastaŭlaje prablemy nie tolki ludziam, ale i žyviołam. Adzin ź miascovych žycharoŭ raskazaŭ vydańniu Tochka.by pra składanuju situacyju z turapadobnymi bykami parody Chieka na Paleśsi niedaloka ad vioski Pahost.

Fota miascovych žycharoŭ

Hetyja žyvioliny źjavilisia tut u sakaviku 2020 hoda ŭ ramkach mižnarodnaha prajekta PRAAN/HEF «Vietłands» pa adnaŭleńni bijaraznastajnaści pojmiennych łuhoŭ Prypiaci. Tady 15 asobin turapadobnaha byka pieravieźli siudy z łatvijskaha nacyjanalnaha parku «Kiemiery».

Akramia niepasredna razmnažeńnia, u «zadaču» žyvioł uvachodziła pajadańnie vysokaj travy i maładych parastkaŭ vierbałozu, jakimi pavolna zarastajuć pojmiennyja łuhi.

Pad prajekt dla niekalkich miascovych haspadarak zakuplałasia śpiecyjalnaja technika, jakoj čyścili biazładna zarosłyja ŭčastki pierad tym, jak tudy pierajechali naščadki staražytnych turaŭ.

Z taho času kolkaść bykoŭ va ŭročyščy vyrasła praktyčna ŭdvaja, ale z-za raźlivu Prypiaci i Śćvihi žyvioły apynulisia ŭ zakładnikach u vialikaj vady. Na hetaj terytoryi ŭtvarylisia šmatlikija astraŭki roznych pamieraŭ. I niekatoryja byki, u pieršuju čarhu cialaty, ci zastajucca va ŭmovach abmiežavanaj prastory i hinuć ad hoładu, ci ŭ pošukach ježy płyvuć na inšyja vyspy i pa darozie tonuć.

Fota miascovych žycharoŭ

Pa słovach miascovaha žychara, jak minimum trom pradstaŭnikam parody Chieka pašancavała — jany papłyli ŭ patrebnym kirunku i dabralisia da ŭčastka bližej da vioski.

Pakul išoŭ prajekt, jaki kuryravała Minpryrody, za turapadobnymi bykami sačyła AAT «Turaŭščyna», ale ciapier žyvioły kinutyja na volu losu. Prablema ŭ tym, što status turavidnych bykoŭ nie vyznačany — jany nie dzikija i nie svojskija. I ŭsie profilnyja arhanizacyi zdymajuć ź siabie adkaznaść.

Miascovyja žychary pa mahčymaści dapamahajuć turavidnym bykam, jakija akazalisia adrezanymi ad vialikaj ziamli: čas ad času padvoziać siena. Ale, pa słovach krynicy Tochka.by, ich resursaŭ nie chapaje. Da niekatorych dalokich astraŭkoŭ dabracca ŭ adzinočku na łodcy niemahčyma. Rašeńnie prablemy patrabuje kompleksnaha padychodu. 

Fota miascovych žycharoŭ

U Minpryrody žurnalistu Tochka.by zajavili, što heta nie dzikija žyvioły, tamu jany znachodziacca ŭ padparadkavańni Minsielhascharča i Žytkavickaha rajvykankama. Pa słovach surazmoŭnicy, adkaznyja rabotniki padvoziać žyviołam korm, i situacyja nie takaja biadotnaja, jak pra jaje kažuć miascovyja žychary.

Krynica ŭ Žytkavickim rajvykankamie ŭdakładniła, što ŭ 2020 hodzie žyvioły byli źniatyja z bałansu AAT «Turaŭščyna» i vypuščanyja ŭ dzikuju pryrodu na «paŭvolny» vypas. Jany žyvuć sami pa sabie. Ale kali ŭźnikajuć padobnyja momanty, im akazvajuć nieabchodnuju dapamohu.

«Vyjazdžali tudy śpiecyjalisty AAT «Turaŭščyna», abśledavali situacyju. Hety vostraŭ znachodzicca za dźvieście mietraŭ ad «vialikaj ziamli». Ź minułaha tydnia padvoziać tudy na łodcy karmy — siena, ziernie. Ale na siońnia pajšoŭ spad vady, tamu ŭ paniadziełak jany pasprabujuć pierahnać žyvioł adtul na vialikuju ziamlu. Jość čaćviora cialat, i jany mohuć nie pierajści — vialikaja hłybinia. Było pryniata rašeńnie cialat pieravieźci na łodcy ŭ nadziei na toje, što darosłyja žyvioły piarojduć za imi», — padrabiazna apisaŭ situacyju pradstaŭnik Žytkavickaha rajvykankama.

A pakul, ź jahonych słoŭ, tam abstalavali «draŭlanuju kašaru z naviesam» i chočuć pastavić tudy žyvioł da taho momantu, pakul jany nie nabiaruć nieabchodnuju kandycyju.

Kamientary4

  • FOX
    07.04.2023
    Vyžyvuć macniejšyja žyvieliny... kali heta sapraudnyja naščadki mahutnych paleskich turau!
  • R6619
    07.04.2023
    FOX, nie, heta nie naščadki paleskich turaŭ. Chaj zdochnuć?
  • FOX
    08.04.2023
    R6619, u nastupnuju viesnu žyvieliny vybiaruć pierad vialikaju viesnavoju vadoju bolšy dy vyšejšy kavałak lesa. Tak pačnie farmavacca paleskaja papulacyja turapadobnych bykou!!!

Ciapier čytajuć

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia16

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Usie naviny →
Usie naviny

Kašalok Łukašenki staŭ uładalnikam brendu muzyčnaha fiestyvalu, kudy zaprašajuć rasijskich Z-śpievakoŭ4

«Litva — zona kamfortu». Jak 21-hadovaja biełaruska biaspłatna vučycca ŭ techničnym univiersitecie i pracuje ŭ IT4

Što chavajecca za bananavaj industryjaj Kosta-Ryki. U Jeŭropu traplajuć «čystyja» banany, ale chto raspłačvajecca za heta?13

Kala stancyi mietro «Puškinskaja» zdaryłasia masavaja avaryja4

Cichanoŭskaja pra prapahandyscki film BT: My nikoli nie budziem ryzykavać ludźmi25

U Minskaj vobłaści — vybuch atručvańniaŭ surahatnym ałkaholem. U hetym hodzie ŭžo 4 čałavieki zahinuli ad jaho1

ChatGPT adkryŭ funkcyju Deep Research dla karystalnikaŭ z samaj tannaj padpiskaj. Voś jak jana pracuje i što moža3

Pucin nazvaŭ umovu, kali Rasija nie budzie pretendavać na Adesu i inšyja ŭkrainskija harady29

Prakapienia pradaŭ kryptabiržu Currency ź biełaruskimi karaniami inviestaram3

bolš čytanych navin
bolš łajkanych navin

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia16

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Hałoŭnaje
Usie naviny →

Zaŭvaha:

 

 

 

 

Zakryć Paviedamić