Vajna22

Pryhožyn viartaje prychilnaść Pucina — ISW

Ciapier analitykam niezrazumieła, nakolki Pucin daviaraje Pryhožynu, ale całkam vierahodna, što rasijski kiraŭnik spyniŭ namahańni rasijskaha Minabarony adpomścić «Vahnieru», admoviŭšy ŭ padmacavańni i bojeprypasach, adznačajuć analityki.

Jaŭhien Pryhožyn, rasijski miljarder i kiraŭnik hrupoŭki «Vahnier». Fota ź jahonaha telehram-kanała

Analityki Instytuta vyvučeńnia vajny (ISW) zaŭvažyli, što zasnavalnik hrupy «Vahnier» Jaŭhien Pryhožyn viartaje sabie prychilnaść Uładzimira Pucina.

U spravazdačy instytuta havorycca pra toje, što Pryhožyn, padobna, viartaje sabie prychilnaść Pucina, vierahodna, u vyniku niazdolnaści rasijskich rehularnych vojskaŭ vykanać zadačy, jakija Pucin pastaviŭ pierad imi padčas zimovaha nastupu na Danbasie.

Siły «Vahniera», padobna, atrymlivajuć padmacavańnie, bojeprypasy i palityčnaje pryznańnie — što źjaŭlajecca rezkim adchileńniem ad papiarednich namahańniaŭ Kramla, nakiravanych na vykarystańnie sił PVK i Pryhožyna ŭ Bachmucie prynamsi sa studzienia 2023 hoda.

17 krasavika krynicy, źviazanyja z «Vahnieram», paviedamili, što hrupa rychtuje da troch motastrałkovych bryhad mabilizavanych vajskoŭcaŭ dla ŭzmacnieńnia fłanhaŭ u Bachmucie.

Pryhožyn taksama paćvierdziŭ, što rasijskija pavietrana-desantnyja vojski dziejničajuć pobač z «Vahnieram» i pakazaŭ, što PVK aktyŭna atrymlivaje artyleryjskija snarady.

Ciapier analitykam niezrazumieła, nakolki Pucin daviaraje Pryhožynu, ale całkam vierahodna, što Pucin spyniŭ namahańni rasijskaha Minabarony adpomścić «Vahnieru», admoviŭšy ŭ padmacavańni i bojeprypasach, adznačajuć analityki.

U ahladzie źviartajuć uvahu na toje, što intervju z dvuma byłymi bajcami «Vahniera» ab ich abychodžańni z ukrainskimi dziećmi i inšymi cyvilnymi asobami i vajennapałonnymi jašče bolš padkreślivaje, jak PVK zamacavała sistematyčnuju žorstkaść jak častku svajho fundamientalnaha ładu dziejańniaŭ.

Na dumku analitykaŭ, nadzvyčaj nahladnyja źvierstvy, apisanyja Ułdaravym i Savičavym, padkreślivajuć šerah niadaŭnich paviedamleńniaŭ ab sistematyčnym vykarystańni «Vahnieram» žorstkaści jak mietadu viadzieńnia vajny.

Taksama ekśpierty pakazvajuć na toje, što Pryhožyn i kamandavańnie «Vahniera» mohuć aktyŭna zaachvočvać aktyŭny ŭdzieł u źvierstvach, sprabujučy ŭmacavać sacyjalnuju zhurtavanaść i reputacyju ŭ padraździaleńniach PVK.

U spravazdačy reziumujecca: «Hety typ ukaranionaha hvałtu, vierahodna, akaža ŭsio bolšy ŭpłyŭ na rasijskaje hramadstva, asabliva paśla taho, jak bajcy «Vahniera» zavieršać kantrakty i viernucca ŭ svaje damy.

Rasijskamu hramadstvu pryjdziecca prykładać usio bolš namahańniaŭ, kab spravicca z žorstkaściu jak normaj, jakuju robiać jaho vajskoŭcy pa miery ich reintehracyi va ŭnutranuju śfieru, što, vierahodna, budzie mieć nastupstvy dla cełych pakaleńniaŭ rasijskaha hramadstva».

Kamientary2

  • Śpiecialnaja vośpitatielnaja opieracija
    18.04.2023
    Da, ja tožie dumaju, čto imienno viernuvšijesia vahnierovcy dołžny priniesti otriezvlenije rosijskomu skotu. Udači im na etom vośpitatielnom puti.
  • Oleh
    18.04.2023
    [Red. vydalena]

Ciapier čytajuć

Tramp zajaviŭ, što jon «vielmi raźjušany» pavodzinami Pucina17

Tramp zajaviŭ, što jon «vielmi raźjušany» pavodzinami Pucina

Usie naviny →
Usie naviny

Navukoŭcy znajšli sposab, jak źniščać «viečnyja chimikaty» ŭ vas doma1

Siońnia ŭviečary prapanujuć časova vyklučyć elektryčnaść2

U Hankonhu pradali pracu Šahała za 4,5 miljona dalaraŭ

«70% mała, davajcie 90%». Jak Špileŭskaja patrabavała ad Koršunava źmianić vyniki sacapytańnia14

Biełaruskija błohiery źniali pad Miadziełam vializnuju čaradu dzikich husiej VIDEA4

Sacyjapatami (jak i prezidentami) nie naradžajucca, sacyjapatami stanoviacca11

Muž Bondaravaj raskazaŭ, za što jaje pasadzili na 13 sutak21

Davydźka pajechaŭ u Rasiju pabiracca pa starych siabrach i pierastaŭ płacić za mabilny — jaho padchapiŭ kryptabiznesmien10

Kaardynacyjnaja rada sprabuje daviedacca, ci byli na rachunak fondu Anžaliki Mielnikavaj pieraviedzienyja hrošy dla dziejnaści KR13

bolš čytanych navin
bolš łajkanych navin

Tramp zajaviŭ, što jon «vielmi raźjušany» pavodzinami Pucina17

Tramp zajaviŭ, što jon «vielmi raźjušany» pavodzinami Pucina

Hałoŭnaje
Usie naviny →

Zaŭvaha:

 

 

 

 

Zakryć Paviedamić