Rasijskija ŭłady šukajuć zamienu PVK «Vahnier» — brytanskaja raźviedka
Rasijskaje kamandavańnie, pa ŭsioj bačnaści, šukaje sposaby stvareńnia i raźvićcia ŭnutry krainy alternatyŭnych pryvatnych vajennych kampanij, jakija zmahli b u kančatkovym vyniku zamianić PVK «Vahnier», jakaja hraje značnuju rolu ŭ teatry bajavych dziejańniaŭ na terytoryi Ukrainy.
Takaja asnoŭnaja vysnova čarhovaha štoranišniaha dakłada vajennaj raźviedki Vialikabrytanii.
Jak pišuć aŭtary dakładu, adna z pryčyn, pa jakich Maskva šukaje zamienu najmitam «Vahniera», składajecca ŭ tym, što zasnavalnik hrupy Jaŭhien Pryhožyn nieadnarazova ŭstupaŭ u pramy kanflikt z rasijskim Ministerstvam abarony, što vielmi razdražniaje rasijskaje vajskovaje kiraŭnictva, jakoje pryzvyčaiłasia da strohaj subardynacyi. U Maskvie spadziavajucca, što alternatyŭnyja pryvatnyja bajavyja padraździaleńni trymać pad kantrolem budzie praściej.
Prablema ŭ tym, praciahvajuć aŭtary dakładu, što ŭ ciapierašni čas nivodnaja inšaja viadomaja rasijskaja PVK navat nie nabližajecca da «Vahniera» pa kolkaści i bajavoj mocy.
U astatnim ža łohika rasijskaha kamandavańnia, jakoje addaje pieravahu tamu, kab vajavać va Ukrainie siłami najmitaŭ, całkam zrazumiełaja: jany kudy bolš efiektyŭnyja čym sałdaty rehularnaj armii, a asnoŭnyja vydatki pa ich utrymańni kładucca na plečy pryvatnaha biznesu.
Akramia taho, u Maskvie niebiespadstaŭna miarkujuć, što ciažkija straty asabovaha składu PVK značna bolš prymalnyja dla rasijskaha hramadstva i nie vyklikajuć rezkaha rostu antyvajennych nastrojaŭ u krainie.
Kiraŭnik Kryma stvaryŭ ułasnuju PVK, źviazanuju ź Jaŭhienam Pryhožynym
Žurnalisty paćvierdzili asoby 18 tysiač zahinułych va Ukrainie rasijskich vajskoŭcaŭ
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak4
Kamientary