Polskija dalnabojniki pačali akcyju pratestu na miažy ź Biełaruśsiu
Polskija transpartnyja kampanii pratestujuć suprać zachopu biełaruskimi i rasijskimi kampanijami transpartnaha rynku na ŭschod. Jany patrabujuć zabaranić ujezd u Polšču fur ź biełaruskaj i rasijskaj rehistracyjaj, prypynić pracu biełaruskich i rasijskich pradpryjemstvaŭ pad polskim prykryćciom i adnavić dazvoły dla transpartnych kampanij z Ukrainy.
U 12 hadzin pa miascovym časie ŭdzielniki pačali błakavać ruch kala mytnaha terminała «Karoščyn», raźmieščanaha pobač ź pierachodam «Kukuryki-Kazłovičy». Heta adziny hruzavy pierachod, jaki praciahvaje pracu na biełaruska-polskaj miažy.
Na zdymkach, jakija publikuje reform.by, bačna, što hruzaviki znachodziacca na darozie kala nasielenaha punkta Dabryń Dužy. U im raźmieščany parkinh dla vialikahruzaŭ.
Arhanizatary pratestu atrymali dazvoł na praviadzieńnie akcyi ŭ pieryjad z 9 traŭnia da 9 červienia. Adnačasova pratestoŭcy praciahvajuć raniej raspačatuju błakadu adnaho ź pierachodaŭ na miažy z Ukrainaj.
Punkt propusku «Karoščyn-Kazłovičy» — adziny punkt propusku dla hruzavoha transpartu na biełaruska-polskaj miažy. Paśla taho, jak Polšča prypyniła pracu punkta propusku «Babroŭniki-Bierastavica», biełaruskija ŭłady ŭviali patrabavańnie taho, kab polskija fury mahli pierasiakać miažu tolki na biełaruska-polskim učastku. Raniej jany mahli ŭjazdžać i vyjazdžać u Biełaruś taksama z boku Litvy i Łatvii.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
Nu dyk na ŭłasnaj škury ciapier niachaj pasprabujuć kankuravać !