Pasolstva Hiermanii pamianiała paradak padačy dakumientaŭ na šenhienskuju vizu
Ambasada Hiermanii ŭ Minsku źmianiła praviły zapisu, braniravańnia, zaprašeńniaŭ, a taksama zvankoŭ u pasolstva.
Zhodna z abviestkaj na sajcie, zapisacca na atrymańnie šenhienskich viz ciapier možna vyklučna praź sistemu braniravańnia na veb-sajcie pasolstva.
Zapis pryznačajecca ŭ chranałahičnym paradku ŭ adpaviednaści z rehistracyjaj u śpisie čakańnia i najaŭnaściu miescaŭ u hrafiku.
Zapis biaspłatny, ale z pryčyny vysokaha popytu na vizy, terminy čakańnia pryznačeńnia zapisu niemahčyma prahnazavać.
Z toj ža pryčyny pasolstva prymaje zaprašeńni-abaviazacielstvy (Verpflichtungserklärung) na praciahu adnaho hoda z daty afarmleńnia.
Pasolstva prosić nie telefanavać i nie pisać im pa pytańniach zapisu, za vyklučeńniem ekstrannych situacyj miedycynskaha abo siamiejnaha charaktaru. Adkazy na zvaroty datyčna zapisu pa-za čarhoj u takich vypadkach pradastaŭlajucca vyklučna ŭ piśmovym vyhladzie.
Ałharytm braniravańnia času padačy dakumientaŭ na afarmleńnie nacyjanalnaj vizy nie źmianiŭsia. U hetaj katehoryi, jak i raniej, možna naŭprost zabraniravać čas padačy dakumientaŭ.
U kampietencyju pasolstva Hiermanii ŭ Minsku ŭvachodzić razhlad tolki tych vizavych chadajnictvaŭ, u jakich u jakaści asnoŭnaj mety znachodžańnia ŭkazanyja Hiermanija, Aŭstryja, Bielhija, Luksiemburh, Niderłandy, Słavienija.
Čamu my prajhrali ŭ 2020 hodzie? Razvahi Mikoły Dziadka21
Kamientary