Paśla 16 maja biełaruskija strachavyja kampanii pierastanuć vypisvać «Zialonyja karty». Jak budziem vyjazdžać paśla?
Termin dziejańnia abaviazacielstvaŭ pa ŭzajemnym pryznańni «Zialonaj karty» skončycca 1 červienia. Biełaruskija strachavyja kampanii spyniać vypisvać patrebnyja dla vyjezdu za miažu polisy z 17 maja. Voś jak budzie vyhladać vyjezd u ES paśla hetaj daty.
Paśla 16 maja — novy polis tolki za miažoj
Minimalny termin, na jaki možna zastrachavać aŭtamabil pa siertyfikacie «Zialonaja karta», składzie 15 sutak. Praz heta biełaruskija strachoŭščyki buduć vymušanyja prypynić afarmleńnie polisaŭ z 17 maja.
Kali, naprykład, strachoŭku afarmlać zaŭtra (15 maja), to taki polis budzie dziejničać da 30 maja ŭklučna. Aformić novuju «Zialonuju kartu» ŭ Biełarusi pa jaje zakančeńni ŭžo nie atrymajecca. Kaštuje biełaruskaja «Zialonaja karta» 30 jeŭra.
Jak patłumačyli «Našaj Nivie» ŭ adnoj ź vialikich biełaruskich strachavych kampanij, strachavyja ahienty atrymali zahad nie afarmlać hety typ polisaŭ paśla 16 maja. Tym, u kaho strachoŭka skončycca paśla hetaj daty, novy polis daviadziecca rabić za miažoj.
Kolki kaštujuć strachoŭki ŭ Polščy i Litvie?
U Polščy minimalny termin strachavańnia składaje 30 dzion, kaštuje takaja strachoŭka 37 jeŭra. Polis na try miesiacy ŭ Polščy možna nabyć za 97 jeŭra. U Litvie minimalny termin strachavańnia składaje 15 sutak, taki polis kaštuje 21 jeŭra, na miesiac — 36 jeŭra.
Prynamsi, da 1 červienia taryfy buduć zastavacca takimi.
Śpiecyjalist biełaruskaj strachavoj kampanii vykazaŭ mierkavańnie, što z 1 červienia zamiežnyja strachavyja mohuć pierahladzieć taryf.
Kali pahraničniki pačnuć vypuskać ź Biełarusi biez strachoŭki?
Zhodna ź dziejnym zakanadaŭstvam, kab vyjechać za miežy krainy na transpartnym srodku ź biełaruskaj rehistracyjaj, treba abaviazkova mieć «Zialonuju kartu», zroblenuju biełaruskaj strachavoj kampanijaj.
Jak paviedamili ŭ Dziaržpahrankamitecie, biełaruskija pamiežniki pierastanuć kantralavać najaŭnaść strachavoha polisa z 00:00 17 maja, tamu biełaruskim aŭtaamataram nie varta pra heta chvalavacca.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary