Pajezdka Zialenskaha na samit Lihi arabskich dziaržaŭ — važnaja padzieja. I voś čamu
Prezident Ukrainy Uładzimir Zialenski siońnia pryziamliŭsia ŭ niečakanym miescy — u Saudaŭskaj Aravii, dzie prachodzić samit Lihi arabskich dziaržaŭ. I heta nadzvyčaj važnaja navina, ličać analityki.
Izrailski vajskovy ekśpiert Ihal Levin, jaki sam pachodzić z Ukrainy i prafiesijna analizuje chod vajny z Rasijaj, padkreślivaje, što Uładzimir Zialenski staŭ pieršym lidaram jaŭrejskaha pachodžańnia, jakoha zaprasili na arabski samit.
Ekśpiert upeŭnieny, što heta «vielmi krutaja i važnaja padzieja», i pryvodzić čatyry arhumienty na karyść hetaj dumki.
Pa-pieršaje, zaprašeńnie Zialenskaha na samit jak hanarovaha hościa — heta znak pryznańnia arabskim śvietam Ukrainy jak niezaležnaj i suvierennaj dziaržavy, a nie niečaj maryjanietki.
Pa-druhoje, Ukraina da poŭnamaštabnaha ŭvarvańnia Rasii pradavała arabam zbroju, i tyja zacikaŭlenyja, kab tak było i nadalej.
Pa-treciaje, heta aznačaje, što araby-musulmanie pryznajuć prava ŭkraincaŭ u ich vajnie suprać akupantaŭ.
Urešcie, Zialenski, jedučy na hety forum, pakazvaje ŭsiamu śvietu, što Ukraina sama vyrašaje, dzie joj być, dzie vystupać i što kazać.
I što jaje lidar adkryty dla ŭsich dy hatovy jechać kudy zaŭhodna va ŭsim śviecie. U adroźnieńnie ad Pucina.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS18
Kamientary