U Niderłandach adbylisia masavyja pieraboi ŭ pracy čyhunki praz pradmiety na puciach
U Niderłandach u pieršaj pałovie dnia 15 vieraśnia adbylisia maštabnyja pieraboi ŭ pracy čyhunki. Prablemy zakranuli paŭnočnuju i centralnuju častki krainy. Pra heta paviedamiła kampanija ProRail, jakaja kiruje čyhunačnaj infrastrukturaj.
Na śvitanku, kali ciahniki pavinny byli pačać ruch, prykładna na 20‑ci ŭčastkach čyhunačnych puciej znajšli truby i kabieli. Sistema manitorynhu ŭspryniała ich jak pieraškody i pieradała sihnały, što adpaviednyja ŭčastki zaniatyja abo nieprydatnyja dla ruchu ciahnikoŭ.
U vyniku ruch ciahnikoŭ prypyniaŭsia bolš za 35 razoŭ. U ProRail adznačyli, što ŭ niekatorych miescach paśla taho, jak pabočnyja pradmiety prybirali z rejek, praz peŭny čas tam znoŭ znachodzili inšyja pieraškody.
U kampanii miarkujuć, što havorka, vierahodna, idzie pra naŭmysnyja dziejańni, i nie vyklučajuć sabatažu.
Pakul nichto nie ŭziaŭ na siabie adkaznaść za incydenty. Svaju datyčnaść taksama admaŭlajuć aktyvisty, jakich raniej zaŭvažali ŭ roznych zdareńniach, źviazanych z hramadskim transpartam, a taksama ŭ błakavańni ruchu.
Donald Tusk dapuskaje pramyja rasijskija ŭdary pa terytoryi Polščy ŭ najbližejšy čas
Rasijski dron trapiŭ pa pasažyrskim ciahniku kala polskaj miažy
U Francyi syšoŭ z rejek pasažyrski ciahnik, padobna da dyviersii
U čas udaru pa ŭkrainskim pamiežnym pierachodzie tam byli jeŭrapiejskija daradcy pa biaśpiecy i Borys Džonsan
Kamientary