Za kolki kuplajuć kvatery ŭ elitnym novym kvartale kala płoščy Pieramohi?
Źjaŭleńnie ŭ samym centry Minska kvartała «Depo» ŭzrušyła sercy haradžan. Spačatku, kali zabudoŭščyk jašče nie prystupiŭ da realizacyi prajekta, na łakacyju zahladvaŭsia ŭ tym liku biełaruski siaredni kłas. Adnak krychu paźniej, paśla taho jak ahučyli ceny na mietry, stała zrazumieła, što raźličvać na žyllo ŭ rajonie płoščy Pieramohi zmohuć tolki vielmi i vielmi bahatyja ludzi, piša «Anłajnier».
«Kvadrat» u rajonie $3500 pa kursie plus parkovačnaje miesca za $30 000 u ekvivalencie.
U śniežni minułaha hoda «A-100 Deviełapmient» zdaŭ pieršy «kubik» u novym kvartale. Za im rušyli ŭśled i dva inšyja. Ščaślivyja dolščyki atrymali klučy ad šykoŭnych kvater i pačali rabić ramonty.
Miarkujučy pa ŭsim, bolšuju častku mietraŭ razabrali jašče na etapie budaŭnictva. Ale i svabodnyja kvatery zastalisia.
Kab pravieryć, pa jakich cenach kuplali tam kvatery, žurnalisty źviarnulisia da bazy danych Nacyjanalnaha kadastravaha ahienctva.
Miarkujučy pa źviestkach, pryviedzienych u NKA, z pačatku hoda ŭ žyłym kompleksie «Depo» byli pradadzienyja dźvie kvatery.
Nie tak daŭno, u pačatku maja, novaha haspadara znajšli 88,7 kvadratnaha mietra ŭ domie № 6b na Kisialova. Kvatera znachodzicca na pramiežkavym, čaćviortym paviersie. Za jaje ŭłaśnik vykłaŭ amal 1 104 000 rubloŭ, abo $380 555 pa kursie. Takim čynam, adzin kvadratny mietr u farmacie White box abyšoŭsia pakupniku ŭ $4290 u ekvivalencie.
U hetym ža domie, ale ŭ krasaviku pradali kvateru na piatym paviersie płoščaj 124 kvadratnyja mietry. Za hetaje charastvo klijent addaŭ 1 427 350 rubloŭ, abo $485 974 pa kursie. U vyniku adzin «kvadrat» acanili prykładna ŭ $3915 u ekvivalencie.
Uvohule, raźličvać na źnižki i rasprodažy nie davodzicca: mietry sychodziać i pa tych cenach, jakija ličyć spraviadlivymi zabudoŭščyk.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary