«Vučyč, sychodź!» U Białhradzie — samy masavy antyŭradavy pratest za 11 hadoŭ
Piataja antyŭradavaja akcyja pratestu «Sierbija suprać hvałtu», jakaja adbyłasia ŭ subotu ŭviečary ŭ Białhradzie, stała samaj masavaj z tych časoŭ, jak tysiačy ludziej pačali vychodzić na vulicy paśla dvuch masavych rasstrełaŭ u pačatku maja.
Apošni antyŭradavy pratest adbyŭsia roŭna praź miesiac paśla taho, jak 13-hadovy vučań prestyžnaj škoły Białhrada prynios va ŭstanovu strelbu, jakoj zabiŭ dzieviać školnikaŭ i školnaha achoŭnika.
Peti protest "Srbija protiv nasilja" održan je u Beogradu. Kako je i najavljeno, učesnici protesta napravili su prsten oko Predsedništva Srbije i ostavili porukehttps://t.co/f9OsghgHwM
Marš uznačalili studenty ŭniviersiteta, jakija trymali ŭ rukach płakat z nadpisam «Sierbija suprać hvałtu!».
Dziasiatki tysiač ludziej, trymajučy ŭklučanymi lichtaryki mabilnych telefonaŭ, prajšli šeściem da štab-kvatery prezidenta Sierbii Alaksandra Vučyča, dzie vypuścili vialiki pavietrany šar z nadpisam «Vučyč, sychodź», a taksama skandavali łozunhi z zaklikam da jaho adstaŭki, piša N1.
Peti protest "Srbija protiv nasilja" održava se u Beogradu. Učesnici protesta okupljaju se ispred Skupštine Srbijehttps://t.co/63Usoquwnu
Sierbskija praŭradavyja ŚMI hetym razam upieršyniu nazvali akcyju «prazachodniaj». A incydent, padčas jakoha pradstaŭniki cierbskaj pravaradykalnaj hrupy «Narodny patrul» źbili amierykanskaha žurnalista, nazvali pravakacyjaj samich ža pratestoŭcaŭ. Niekatoryja z napadnikaŭ byli ŭ futbołkach ź litaraj Z, simvałam rasijskaj ahresii suprać Ukrainy.
Z nadychodam ciemry ŭdzielniki akcyi ŭklučyli svaje mabilnyja telefony, trymajučy ich nad hałavoj padčas maršu pa centralnaj vulicy Białhrada la budynka prezidenta, mnohija ź ich śvistali i zaklikali Vučyča da adstaŭki.
Na nastupny tydzień zapłanavana čarhovaja akcyja pratestu, jakaja stanovicca ŭsio bolš surjoznym vyklikam dla Vučyča — mahčyma, samym vialikim z momantu jaho prychodu da ŭłady 11 hadoŭ tamu.
Nahadajem, 3 maja 13-hadovy vučań prestyžnaj białhradskaj škoły ŭčyniŭ u joj stralbu, zabiŭšy ź pistaleta baćki achoŭnika i vaśmiarych vučniaŭ. A ŭžo praź dzień u vakolicach Białhrada adbyłasia stralba z aŭtamata: 21-hadovy małady čałaviek zabiŭ vosiem čałaviek i paraniŭ jašče 14.
U Sierbii adrazu ŭspychnuli masavyja antyŭradavyja pratesty, jakija praciahvajucca čaćviorty tydzień zapar.
Siarod patrabavańniaŭ pratestoŭcaŭ — adstaŭka vyšejšych słužbovych asob, u pryvatnaści, prezidenta Alaksandra Vučyča, i adklikańnie licenzij u praŭradavych ŚMI, jakija tranślujuć materyjały z vyjavaj hvałtu, a taksama dajuć u efir vystupleńni kryminalnych aŭtarytetaŭ i vajennych złačyncaŭ.
Sam Vučyč adyšoŭ ad rula svajoj papulisckaj partyi na fonie płanaŭ sfarmavać bolš šyroki palityčny ruch, admoviŭšysia vykonvać patrabavańni pratestoŭcaŭ.
Ciapier čytajuć
Vaskrasienski: Adkryvajecca nieba — i Aleś Bialacki adrazu vychodzić2
Kamientary