Свет22

«Вучыч, сыходзь!» У Бялградзе — самы масавы антыўрадавы пратэст за 11 гадоў

Пятая антыўрадавая акцыя пратэсту «Сербія супраць гвалту», якая адбылася ў суботу ўвечары ў Бялградзе, стала самай масавай з тых часоў, як тысячы людзей пачалі выходзіць на вуліцы пасля двух масавых расстрэлаў у пачатку мая.

Апошні антыўрадавы пратэст адбыўся роўна праз месяц пасля таго, як 13-гадовы вучань прэстыжнай школы Бялграда прынёс ва ўстанову стрэльбу, якой забіў дзевяць школьнікаў і школьнага ахоўніка.

Марш узначалілі студэнты ўніверсітэта, якія трымалі ў руках плакат з надпісам «Сербія супраць гвалту!».

Дзясяткі тысяч людзей, трымаючы ўключанымі ліхтарыкі мабільных тэлефонаў, прайшлі шэсцем да штаб-кватэры прэзідэнта Сербіі Аляксандра Вучыча, дзе выпусцілі вялікі паветраны шар з надпісам «Вучыч, сыходзь», а таксама скандавалі лозунгі з заклікам да яго адстаўкі, піша N1.

Сербскія праўрадавыя СМІ гэтым разам упершыню назвалі акцыю «празаходняй». А інцыдэнт, падчас якога прадстаўнікі cербскай праварадыкальнай групы «Народны патруль» збілі амерыканскага журналіста, назвалі правакацыяй саміх жа пратэстоўцаў. Некаторыя з нападнікаў былі ў футболках з літарай Z, сімвалам расійскай агрэсіі супраць Украіны.

З надыходам цемры ўдзельнікі акцыі ўключылі свае мабільныя тэлефоны, трымаючы іх над галавой падчас маршу па цэнтральнай вуліцы Бялграда ля будынка прэзідэнта, многія з іх свісталі і заклікалі Вучыча да адстаўкі.

На наступны тыдзень запланавана чарговая акцыя пратэсту, якая становіцца ўсё больш сур'ёзным выклікам для Вучыча — магчыма, самым вялікім з моманту яго прыходу да ўлады 11 гадоў таму.

Нагадаем, 3 мая 13-гадовы вучань прэстыжнай бялградскай школы ўчыніў у ёй стральбу, забіўшы з пісталета бацькі ахоўніка і васьмярых вучняў. А ўжо праз дзень у ваколіцах Бялграда адбылася стральба з аўтамата: 21-гадовы малады чалавек забіў восем чалавек і параніў яшчэ 14.

У Сербіі адразу ўспыхнулі масавыя антыўрадавыя пратэсты, якія працягваюцца чацвёрты тыдзень запар.

Сярод патрабаванняў пратэстоўцаў — адстаўка вышэйшых службовых асоб, у прыватнасці, прэзідэнта Аляксандра Вучыча, і адкліканне ліцэнзій у праўрадавых СМІ, якія транслююць матэрыялы з выявай гвалту, а таксама даюць у эфір выступленні крымінальных аўтарытэтаў і ваенных злачынцаў.

Сам Вучыч адышоў ад руля сваёй папулісцкай партыі на фоне планаў сфармаваць больш шырокі палітычны рух, адмовіўшыся выконваць патрабаванні пратэстоўцаў.

Каментары2

  • Common sense
    04.06.2023
    Да тут к гадалке не ходи,за этими протестами стоит рашка. Да и расстрелы случились после утечки информации о том,что Сербия поставила оружие Украине
  • Юзуф
    04.06.2023
    Спачатку прачытаў Белгарад)) нават спужаўся. Ну не могуць жа рабы супраць цара выступаць

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць